More, more. Kom. Hier is koffie en tuisgebakte beskuit, wit en hartstigting-vriendelik. Of wat van lui huisvrou lepelvol skons? Sjoe, lanklaas was ek lus om te stoepkuier en te gesels.

Lui huisvrou lepelvol skons (resep hieronder)

Hoe lekker dat ons nou ontmasker, mekaar nie meer skigtig witoog nie, maar mekaar se tronies weer kan sien!

Tronie is ‘n interessante woord. Dis ‘n omgangstaal woord in Afrikaans en ‘n kunsterm van Nederlandse oorsprong, en beteken lelike of komieklike gesigsuitdrukkings. Basta met taallesse, kom ons kuier en gesels sommer net lekker.

Die laaste twee oggende is die sonsopkoms vol kleur. Malse oranje, baba pienk en blouselblou kom die nuwe dag se genade oor ons gespoel. My hart klop warm klein bekeer daaroor, en ook die supermaan wat maanbaai toegelaat het en my breinselle sommer herbelyn het. Dit was eergisteraand die laaste supermaan vir 2022. Ons sal eers weer middel Januarie aanstaande jaar die wonder beleef.

Die die eerste streepswaeltjies het pas uit die Noorde arriveer. Vanmôre toe ek die ander gevolgetes se kossie gaan uitsit, Lewis Hamilton ‘n paar te lekker in die mooi oggend lug. Meneer en Mevrou Kwikkie is amoreus op die grasperk. Ek wonder of die rasperkaas wat ek vir hulle op die voorstoep los, ‘n kwikkie afrodisiakum (liefdesdoepa) is?

Hierdie stil oggend tye herinner my aan die mooi woorde:

I place on the altar of dawn:

The quiet loyalty of breath,

The tent of thought where I shelter,

Waves of desire I am shore to

And all beauty drawn to the eye.

May my mind come alive today

To the invisible geography

That invites me to new frontiers,

To break the dead shell of yesterdays,

To risk being disturbed and changed.

May I have the courage today

To live the life that I would love,

To postpone my dream no longer

But do at last what I came here for

And waste my heart on fear no more.

JOHN O’DONOHUE

Excerpt from ‘A Morning Offering’ found in his books,
To Bless the Space Between Us (US) / Benedictus (Europe)

Hoewel daar baie rede is om in dankbaarheid en loutere vreugde te lewe is daar maar ook goed wat mens maar krapperig en onthuts laat.

O jinne, maak ek toe mos gister die Springbokke ter ere bokkerolletjies. Daar gaan die manne heen en verloor hulle rugbyplan iewers tussen die kleedkamer en die veld. Blixem. So ek herdoop maar amptelik die spinsasie en kaas gevulde aloo naan rolletjies, na bokkerrolletjies niksies. Ons manne het wraggies nie een oomblik soos die helde van verlede week gelyk nie. Puntemaker geleenthede is nie gebruik nie, hulle was op die agtervoeterig. Bleh. Bokkerrol plesier. Ek sal maar voortaan die rolletjies vir enigiets behalwe rugby braai voorsit. Les geleer!

Ek het naïef hoopvol gedink dat die globale skrik wat Covid gebring het, die wêreld en mense sagter, meer empaties sou maak. Not ‘n tiekie. Ons beleef hardheid selfs by mense wat die Lig in Covid-komas gesien het. Mense wat steeds wreedheid uitspu en lemmetjietonge onder mense ontketen en wegstap, sonder nadenke, sonder vergifnis. Empatie en deernis bly harde werk. Ons moet sag met mekaar wees. Spasie vir mekaar maak. Ons is almal deur ‘n tuimeldroër-siklus onbekend aan ons.

Ons kan ons nou ook nie blindstaar teen die dinge wat nuus maak nie. Daai woeste en wrede oorlog in Oekraïne. Joernaliste, gewone mense, kinders wat sterf, vermoor, verniel verguis word. Die hongerte oral. Die wreedheid in vrouemaand wat op Krugersdorp se mynhope met 8 vroue gebeur het. Ons hadeda-minister wat so ewe kan vertel dat een vrou gelukkig was om net deur een man verkrag te word. MFM! Ondenkbaar.

Ek sit en wonder oor die vroue in hoge poste wat met korrupsie en wanbestuur assosieer word. Sal hulle wil vra: “So in vrouemaand – watse voorbeeld stel julle susters? Wat sal die moeders van 1956 van julle en julle swak voorbeeld dink?’

En so by so, hierdie vreeslike vreemdelingehaat wat klomp leiers in ons land aanblaas. Daai einste vuurspoegers was uitgewekenes en opgeneem en beskerm in die einste lande wie se mense nie in ons land ‘n veilige holte vir die voet mag kry nie. Tweegatjakkalse as jy my vra.

Het jy gehoor van krimpflasie. Dis nou die voedselverskaffers wat al hoe minder produk teen dieselfde prys verkoop. Kyk bietjie. Wat laas 1kg se waarde was, is nou teen 1kg se waarde 800g! Kyk bietjie hoe slim word daar te werk gegaan. Vloeistowwe is omgeskakel van milliliter na gram. Daar is ‘n aansienlike verskil om dit so te meet. Die verbruiker se rand is soos ou Wicks kougom, by breekpunt, onrekbaar.

Die wêreld is mal nes Francois van Coke sing.

Weet net, ek sal altyd vir jou die stoel uittrek en saam sit op die stoep of waar ook al. Kom nes jy is, en jy is meer as welkom. Ons kan klets of sommer net saam stil wees. Wat ook al jy nodig het.

Kyk, kyk hoe mooi trompetter die petunias en belowe die madeliefies dat dae van nuwe groei kom. Kry nog ‘n skon.

Lui huisvrou lepelvol skons (Op die 3-bestanddeel tema, maar ligter en lekkerder)
Gooi die volgende bestanddele in ‘n mengbak

  • 3k bruismeel
  • 1tl bakpoeier
  • 1tl sout
  • 1koppie room
  • 1k Sprite of gemmerlim

Roer goed deur, maar moenie oormeng nie. Laat rus vir 10minute.

Stel oond op 200°C. Sit bakplaat in oond vir 10 minute terwyl jy die beslag laat rus.

Voer bakplaat uit met bakpapier.

Sit lepelsvol beslag, so 3 in ry op bakplaat.

Maak omtrent 10-12 skons.

Bak 15minute tot goudbruin.

Lekker eet.