n Besige, snaterende, groot geskoende nuweling het kom intrek op Waterval. Ontmoet GelieUnaBaliPositiefTowerin, Vuurvliegie se nuwe skryfmaat.

Dankie,dankie liewe Una en Positief vir my lieflike Towerin eend al die pad van Bali via Hartebeespoortdam! Synde van vroeg ietwat weeskind, is geskenke nogal ‘n groot ding vir my!

Ek is net effe uitasem van GelieUnaBaliPositiefTowerin hier aangeland het. Sy is besig. Fladder en snater dadelik toe sy Vrydagaand hier aankom.

Sy hou dadelik van die ouma- skottels in die kombuis. “Wanneer bak ons,” snater sy.

“Ons sal Di…,” is al wat ek uitkry en sy spring fladder stoof se kant toe.

“Wat kook jy,” vra GelieUnaBaliPositiefTowerin.

“Dis pap en tamatiesheba vir die Vrydagaand braai,” antwoord ek.

“Pfft, ek eet nie pap en tamatie-watsenaam nie,…” snip sy.

“Ag siestog, Trixie het nie spene nie. Hoekom hang daar suurlemoenblare aan haar oor?”

GelieUnaBaliPositiefTowerin is ‘n agie, ek wonder na wie aard sy?

In my kamer is sy dadelik boekrak toe.

“Is dit bidkatte?”

“Nee, GelieUnaBaliPositiefTowerin, dis net mooi Bali katte, ek dog ek stel jou voor,” sug ek.

Ek nooi haar: “Kom saam stoep toe,GelieUnaBaliPositiefTowerin.”

“Gaan ons nou braai…ek is honger, sê sy.

“Kyk die vuur, kyk die vuur.” Ek kon g’n snars blokraai.

Dis Maandagoggend. Die Jasmyn blom en parfuum die hele huis vol en GelieUnaBaliPositiefTowerin, het haar staning gekry. In my skryfkamer, saam met my Hanlie Kotze pot inspirasie ink en leë bakkie om my woorde in te stort. Perfek, my nuwe skryfmuse. Al die pad van Bali, met towerinmaatliefde. Ek is geseënd.

“Hou op speel, jy moet nou woorde reg uitsnoer. Daai boek gaan nie homself skrywe nie,” kom die stemmetjie aangesnater.

GelieUnaBaliPositiefTowerin, die skryfmuse? Nee, lyk my sy is vergestalting van my gewete! Tata, tot later!