Ek moet drie maande se kleinkas strokies inlees…maar my hart en gedagtes wil hulle deur my vingers oor die qwerty bord uitstort, uit huil, uit skree. Toe die moer in my koffiebeker na ‘n boom in ‘n hart lyk, moes ek weet… ek gaan getap word. Wat ‘n nare week was week drie van 2023, my sawwe hart leeggetap.
‘n Jong ma is verlede Maandag hospitaal toe. Sy het eers haar kinders afgesien skool toe. Haar ouers het vroegdag in die pad geval om haar en haar gesin by te staan. Haar stryd om wrede kankerbehandeling en die eina gevolge is ‘n berg wat sy letterlik sonder suurstof moet uit. Sy is maar 38. Ag Here, hoe het die beker voor haar beland? Wat moet sy en ons leer? Is dit net ‘n tragedie of ‘n leerbare oomblik. Ek is nie naby nie, en kan net vir haar, haar ouers en geliefdes van ver bemoedig. Mens voel so magteloos.
Elders is ‘ n ander dierbare se stryd daagliks nader aan gewonne. Braaf en moedig word daar teen pyn en afskeid geveg. Dankbaarheid en oomblik lewe in aksie. My hart breek dat mense deur sulke trauma en afwagting moet gaan.
My liefste kammie verjaar die 19e Januarie. Ek stuur gelukwense, ons kom so lang pad. ‘n Susterskind wat heenkome by my engelmaat vind, is intussen in ‘n kliniek opgeneem. Sy kies daar selfdood. Ag Here, hierdie seer verstaan ek en moes dit al deurleef. My vriendin se seer gaan groot wees en my hart lek nog ‘n stuk leeg. Ek wonder of die jong vrou ooit Mumford & Sons se ‘Roll away your stone’ se slot strofe raak geloop het nie:
It seems that all my bridges have been burned
But, you say that’s exactly how this grace thing works
It’s not the long walk home
That will change this heart
But the welcome I receive with the restart.
Teen Saterdag is ek rêrig gemoedsbekakkerig verby. Ek vertel gelukkig vir die huismense dat my hart sommer net seer is en hulle los my dat ek huil en grom. Rots oorleef net-net ‘n relletjie vol emosie. My fountjie rus al sedert Vrydag klankloos in my laai. Namiddag gaan haal ek hom uit sy ballingskap. Wat ‘n skok wag daar op die skerm.
‘n Niggie van my ma en oudste tante, se man het ‘n beroerte aanval gehad en is in bedenklike toestand laat ‘n kleinniggie weet. Maar dis nie die hele tragiek nie. Die man se dogter se twee seuns is in Potchefstroom albei op slag dood in ‘n motorongeluk. Die niggie skrywe: “Dis onwerklik. Dis aaklig. Ons sê een oomblik ‘dis nie waar nie’, dan weer ‘dis waar’ en dan kreet ons net ‘NEEEE’!”
Dit is my werk om die boodskap aan Oudste en haar dogter oor te dra. Skielik is ek lafhartig en dankbaar vir skermpie-afstandigheid.
So kom nuus van oral elders ingestroom. Seer en afskeid en skrik en skok. Ek het ernstig nodig om uit my eie pad te kom. Het elke dag kossies vir Rots en Bab gepak, was lief met Tante en het my oggend boodskappe met klomp maats gedeel, hier en daar gesels, my hondebende geliefie, tuin nat gegooi en my aan die voëls verwonder en gebid vir genade en ook vir reën. Die is ver weg op die oomblik.
Ek huil en bid en vra waarom soveel mense so swaar moet dra, sê dankie vir genade en beter dae. Ek is nog so aan die pieker toe blaf my Rumi. “Kom speel met my dat jy kan lag.” Dit het gewerk.
Nadia Bolz- Weber sê om so weg van jouself te fokus op kakkerige dae is oomblikke waarin jy jouself bevry. Dis nou presies wat die geskribbel ook nou vir my doen.
Ek loop die wysheid raak in ‘n notaboek op my lessenaar, en besef die storms, en seer en onrus is deel van groei. Pynlike dog nietige menslike groei. Sal vandeesweek beslis hard aan bevryding werk.
“And once the storm is over, you won’t remember how you made it through, how you managed to survive. You won’t even be sure, whether the storm is really over. But one thing is certain. When you come out of the storm, you won’t be the same person who walked in.”
Haruki Murakami
Rumi weet instinktief dat jy ‘n bietjie lag nodig het, dat jy nodig het om te fokus op die mooi en die lekker van hier en nou. Mooi loop 💞
LikeLiked by 2 people
Dankie. Jou uitstappies en vissies op jou bloggie help ook baie. Mwah😉💖
LikeLiked by 1 person
Sjoe, ek het jou storie vanoggend nodig gehad … my man is op die oomblik in die hospitaal en ek wonder ook wanneer hierdie storm sal verby gaan 😔. Dankie vir jou skrywe.
LikeLiked by 2 people
Ag maat. Baie sterkte en beterskap daar. 💖🙏
LikeLiked by 2 people
❤️
LikeLike
Jammer om dit te hoor, Corna. Ons dink aan julle en wens hom n spoedige en volkome herstel toe!
LikeLiked by 2 people
🙏
LikeLiked by 1 person
Baie dankie Dries. Dis so twee tree vorentoe en dan weer een agtertoe, maar ons staan vas in geloof!
LikeLiked by 2 people
Ek is dankbaar jy het ‘n Rumi
LikeLiked by 1 person
Ek ook. 💖🙏
LikeLike
Ai Erna, die lewe is vol tragedies wat ons nooit sal verstaan nie. Ek voel vir jou.💕
LikeLiked by 1 person
Ons moet gedurig ons harte sag hou vir mekaar. Hoe swaar dit ook al is.💖💝🙏 Ons loop so mekaar huistoe.
LikeLiked by 1 person
Ek is regtig jammer oor jou, julle rowwe tyd en dink aan julle, baie sterkte🤲
LikeLiked by 1 person
💝🌻🙏
LikeLike
Soveel vertroosting in daardie aanhaling uit “Roll away your stone”!
LikeLiked by 1 person
Beslis n week wat enige iemand se geloof tot die uiterste sou beproef en hul vrede heeltemal sal tap. Ek bid dat jy met n nog sterker geloof en nog meer vrede in jou hart aan die ander kant gaan staan en terugkyk.
LikeLiked by 1 person
Dankie baie. Die familie is baie sterk. Lees vanmore in die Potchefstroom Herald dat die ouers van die twee seuns hulle lewens gaan vier deur op die perde van hulle kinders aan ‘n uithourit te gaan deelneem. Sjoe, my mense is sterk in seer tye. Ek en my sawwe hart smelt in ‘n traanhoop. 💝.
LikeLiked by 1 person
Ons almal dra ons swaar anders.
LikeLiked by 1 person
Dankie vir die wysheid.🌻
LikeLike
Sjoe, dit is stormagtig by jou. Moenie wag vir die storm om verby te gaan nie, gaan dans in die reën.
LikeLiked by 1 person
As die reën net sal kom….
LikeLike
Sterkte
LikeLike
Hoe kan ek eers dink aan woorde wat sal help? Dalk het ek sommer baie om oor lyding te leer. Dis net: op hierdie stadium lyk dit of dit nie end kry nie. Jy staan steeds sterk. Dis ‘n inspirasie vir ons wat jou woorde lees – willem
LikeLiked by 1 person
Dankie Willem. Die sterk staan is pleinweg Goddelike genade. Groetnis.
LikeLike