Ek het vandag ‘n baie bevrydende ding gedoen. Ek het Maandag gekanselleer. Tuis gebly en net gedoen waarvoor ek energie gehad het, wat min was.
Ek is in die bevoorregte posisie om ‘n span liefiemense te hê wat ons besigheid se deure te kan oopmaak.
Vanoggend toe ek met muf in my brein wakkerword, weet ek dat myself en almal in my lewe ter wille van, nie ons kliënte of die gemeenskap waarin ons ons bestaan moet voer, in die oë moet kyk nie. Sleg vir oorlewing vir almal as my brein linksfokkerig is.
My ega van 33 jaar is stywenekkie al vir ‘n maand en ons sien die spesialiste eers oor twee weke. My roetine is kos vooruit regmaak, soggens bed oortrek, hom help met stort en skeer en salwe insmeer, dan werk toe ry om saam met ons kind ekonomies te oorleef.
Ek is oorweldig toe ons na 30 jaar my man se baard en hare afskeer. Die gestroopte Jode in die konsentrasiekampe tafereel voor my verby. Ek was lanklaas so ontstemd. My gesin is oorbluf oor ek so emosioneel is. Maar as jy vir amper twee jaar kyk hoe chroniese pyn jou liefiemens wegsteel, dan kan verdere weggee aan persoon mens destabiliseer.
So bly ek saam met Rots en my huisbestuurder tuis. Die selfoon lui, ek gee kaggel raad en bestel goed wat later vir mense wat ek nie ken nie, snoesig en veilig warmte sal bied, in my pajamas.
My huisbaas kyk my skuins aan toe ek wil help opruim. Sy jaag my siekekamer toe. “Gaan slaap.”
Ek besluit om saam met Rots en die hondekinders op die bed te gaan lê. Saligheid.
Die dag is verby.Ek sit nou op die stoep en weet, versorgers moet sorg, maar kan ook soms ‘n Maandag kanselleer. More probeer ons weer.
Hoop jy het dit geniet. Doen dit gou weer!!
LikeLiked by 1 person
Ai, dit klink erg! Baie sterkte en ‘n drukkie vir jou.
LikeLiked by 1 person
Baie verstandig, want wat word van alles as jy nie meer kan nie?
LikeLiked by 1 person
Ek hoop jy geniet jou Maandaglose week en dat die afdaggie jou sommer nuwe woema gee.
LikeLiked by 1 person
Met daadkrag vanoggend ingespring in my Maandagrige Dinsdag, dankie!
LikeLiked by 1 person
Goed! 😁
LikeLike
Jy’t net Maandag gekanselleer – ek het lus om huis toe te gaan en die jaar oor te begin. Haha, nee wat, darem nie so erg nie. Ek hoop jou battery is herlaai.
LikeLike
Dit was slim van jou. Wees almal kon so once in a while
LikeLiked by 1 person
Hoop jy het die dag goed gerus.
LikeLike
Dit klink hectic, op die bed lê met daai hond lyk idiaal, ek is skoon jaloers! Hierlangs in Wes-Afrika waar ek woon het ek net een Ghana katjie – baie spesiaal, maar sy wil nie by my lê nie, soms naby maar nooit bo-op my nie. Nog altyd een wilde streep in haar. Ons mis ons honde in Namibië. Die woon by my swaer.
My skoonma is in 2016 na ‘n baie lang siekbed op die plaas oorlede. Ek was die enigste ander vrou op die werf, en het menigte male op die stoep gaan sit met my honde, lankal droog getjank oor verlies vn jeug, geselsskap, bakresepte en die hitte van haar lyf. Ek verstaan wat jy bedoel – dis baie erg om iemand te sien ly, en ‘n lieflyf te sien wegkwyn. Ek voel so verlig sy is van haar pyn en lyding verlos. Selfs daaroor voel ek soms skuldig.
Baie Sterkte
LikeLiked by 2 people
Ek wonder hoe weet ek dan nou nie van jou man nie. Het jy iewers daarvan neergeskryf dat ek kan gaan lees? Of verstaan ek jou skrywe nie reg nie?
LikeLike
Una, hy loop al maande mos met arms en nek wat pyn, het omtrent hele Desember van pyn medikasie om geslaap. Is 15 Januarie opereer en sterk nou vir 12-16 weke aan met nekstut. Gister was woes met arm wat vreeslik pyn, vandag weer beter – hy slaap noe. Een dag op een dag af. Dis die dat ek maar stil is, moet juis nou my aandeel aan ons Toweropstal saga begin, anners spring julle klomp weer uit blokke…. groetnis.
LikeLiked by 1 person
Ag tog jong, sterkte vir julle. Soms het ons almal nodig om ñ Maandag af te vat. Ek verstaan dit al te goed.
LikeLiked by 1 person