Jinne Bondels ek het nie besef dat jou omstreke so interessante geskiedenis het nie. Synde ‘n nooi Fourie sonder familiegeskiedenis verder as my oupa aan vaderskant, was ek kinnerlik opgewonde om die van teë te kom. Maar wag, ek wil nie my geslagsregister ondersoek nie.
Jou opmerking oor hoe die omgewing vir jou ook ongekaart is, het my snuffellees lus aangewakker. Julle dink ek lees net fiksie, verrassing. Geskiedenis is my ding.
Jy woon waar Homo Sapiens 2miljoen jaar gelede sy oorsprong gehad het. Die omgewing word as ‘n vrugbare streek beskrywe. Volop wild tot die trekkerige mense van die 1800’s hier deurgekom het. Navorsing toon dat dié omgewing van die Steentydperk aaneenlopend bewoon is. Daar was ook gedurig inkommers en vlugtendes.
Silkaats het na sy wegbreek van Tsjaka se Zoeloes hier staning kom kry. Sommer gou is hy baas van die plaas, die Magalies as troon en van die Vaal- en Limpoporiviere begrens. Mohale Mohale, na wie Magalies vernoem is, met so bietjie baie verbuiging, was die leier van die Po-stam. ‘n Gelukkige ou. Hy het twee keer ‘n gewisse dood gefnuik, danksy mense wat hom weggesteek het.
Die Griekwas, Koranas, Taung, Ndebeles, Tswana en Silkaats se leër het hier verwoed teen mekaar geveg. So erg, dat die Voortrekkers in 1837 die geweste half onbewoond vind. Al die vorige inwoners het mekaar in die vier windrigtings in verdryf.
In 1840 het ene Albertus Venter, sy vrou en dogter op De Kroon geboer. Hekpoort en Skeerpoort was gou bekend as boerdery gebied. Die Venters kry bure. Die Fouries. Op 13 June 1846 is die eerste inkommer wit babatjie gebore. ‘n Fourietjie. Die familie koop later die Venter plaas en die eerste permanente woonhuis die “Ou Werf,” word gebou.
Daar is klomp ander geskiedenis, maar ek volstaan hier. Google is jou vriendin vir verdere detail oor oorloë, treine en die Hartebeespoortdam en die stigting van die Nasionale Party….
- Die Ann van Dyk Cheetahsentrum of De Wildtsentrum bestaan sedert 1971 en is alombekend vir teelt en studie van die cheetah, koning cheetah, bruinhiëna, blouduiker, suni en wildehonde. Hulle het diere ammbassadeurs. Bekend is Byron en Yeats die cheetahs en Sagira die Egiptiese aasvoël.
- Ukutula Lodge daar naby, is soortgelyk en ook ‘n red-en rehabilitasiesentrum.
- Brits is die geboorteplek van die eerste gekloonde dier in afrika, ‘n koei. Ek onthou die storie, wens ek kon op haar naam kom.
- Gepraat van spesies en talent. Kyk nou net wie is almal hier gebore. Bobby en Karlien van Jaarsveld, Burgerd Botha van Romanz, Christiaan Botha van NRG, het almal hier die eerste skreeu gegee. Verder het Corrie sanders en Jay- Jay Moll hier hulle boks en skopboks talente ontgin om later kampioene te word, asook sokkerster Katlego Mphela.
- Die geskiedkundige toestroming van vele kulture vind inslag by die Lesedi kultuur sentrum wat in 1995 tot stand gebring is. Lesedi beteken lig in Tswana. Die kultuur en leefstyl van vyf volke word in die kleurvolle plek gehuisves, naamlik Pefi, Zoeloe, Xhosa, Basotho en Ndebele. Gesinne woon en leef hier en mens leer hulle gebruike en kultuur beter ken. Mens kan daar oornag, en smiddae is daar tradisionele danse. Sonsaktyd kan ‘n Afrikastyl by die Nyama Choma Restaurant geniet en dan is dit stories om die vuur by die boma en ‘n sopie ‘mamba juice’, ‘n Lesedi drankie. Scrapy, is hierdie ‘n Afrika weergawe van jou energiedrankie? Ons moet ‘n draai gaan maak en voorraad aankoop. Of wat praat ek, Hester Sintester
- Die Margaret Roberts kruisentrum is die resultaat van die vrou se passie vir kruie en plante. Hier kan jy jou verlustig in die verskillende kruietuine , van kombuis, kosmeties, medisinaal tot aroma. Jy kan rate en tinkture koop, tee drink, saailinge koop. Daar is dertig varieteite basil, oreganum, laventel en roosmaryn. Sjoe. Al die sjeffie Towerinne sal hier malgaan. Die kapel en die ont-stress sand tuin met ‘n replik van die labarint by die Chartres katedraal in Frankryk. (Frannie, dit klink soos ‘n lekker romantiese dwalenkie vir jou en Silver) Margaret was ‘n fisioterapeut en het as kruiekundige meer as 40 boeke publiseer. Haar lewensslagspreuk was “educate and inspire.” Die formidabele vrou is verlede jaar oorlede. Sy laat ‘n ryke erfenis agter.
Genade! Lekkervurig! Was dir JY wat my uit my geriefie getruuk het! 😱 Stouter.
Ek vergewe jou net oor jy sulke lekker informasie vir ons gee.
LikeLiked by 1 person
🙈🙉🙊🤣😉
LikeLiked by 1 person
Sies vir jou.
LikeLike
Jy IS stout!
LikeLike
Dit is amasing wat jy alles te vertelle het. Wow ek is beindruk. Lekkervurig ek sou tien teen een jou gehelp het om daai spinnekop in die blik gesit het, so daar is ons op dieselfde bladsy, en by die skrik maak. Ek kom uit n baie ondeunde familie….
LikeLiked by 1 person
🤣🤗
LikeLike
Dis nou lekker interessante feite, dankie! So saam met die toer, leer ons die land ken.
Was dit nie Dolly die skaap, wat gekloon is nie?
LikeLiked by 2 people
🌍🏆
LikeLiked by 1 person
Dolly is die Ingelse se kloonskaap. Ek het gaan soek : ons kloontjie was ‘n Holstein verskaller genaamd Futhi (wat herhaal of nog meer in Zoeloe beteken) is in 2003 by ‘n plek in Brits gebore.
LikeLiked by 1 person
Dankie vir die inligting. Ek het net iewers iets in my onthourakkie gehad van ou Dolly.
LikeLiked by 1 person
Sjoe dis soos ‘n geskiedenisklas. Baie bly ek skryf nie meer eksamen nie. Sal darem Margaret Roberts onthou. Ek en my vriendin het op ‘n stadium Pietersielie tee gedrink op Margaret se aanbeveling. Onthou my tog om nie ‘n koekblik ooptemaak waar jy naby is nie. 😊
LikeLike
🤗😉
LikeLike
Skuus Kameel, as dit soos les ervaar is. Kan ek vir jou mamba juice of energiedrankie aanbied😉
LikeLiked by 1 person
😁😁😁😁 Nou hoekom het my juffrouens my nooit ‘n “ietsie” aangebied nadat julle my kop so vol kennis geprop get nie???? Daardie human cradle ding smokkel met my kop… ek glo aam skepping soos in bybel staan. Ons het altyd daar verby gery wanneer ons vir my boetie in Magaliesburg gaan kuier het… het die plek so ‘n skewe kyk gegee. Los dit maar vir julle slimmes. 🤔
LikeLike
Ek is ook maar skigtig vir die oermens goete. My onlangse blog oor die oer# het betrekking.
LikeLiked by 1 person
Dalk is ek ń afstammeling van daardie eerste nuwe Fourietjie, my nooiensvan. Wonder ek nou of ek ook in aanmerking kan kom vir ń grondeis…🤔
LikeLiked by 1 person
O, weë, wat bly van blogland oor as ons twee ‘n familiebloedlyn deel! Grondeis – ons moet ondersoek instel…..
LikeLike
Ek sit nou met Harties se kaart…wil besluit wie se grond dalk die meeste werd is, dan begin ons daar. Dit is mos hoe mens dit doen? Sies, nou is ek lekker sarkasties, nè.
LikeLike
Amen Suster. Dis hoe dit rol. Eerstes tel….. ons sal grafte ook gaan soek.
LikeLike
Cool. ń Begrafplaas hou sy eie bekoring in, al die stories wat daar gebêre lê.
LikeLiked by 1 person
Dink net die storie van die Fourie eis. Ons sal al ons opgekropte goete op die saak uithaal en dan familiefees hou. Hehe!
LikeLike
Hierdie klink nou opwindend! Dink jy ons sal die tv haal, dan kan ek ook ń photo-shoot kry…
LikeLike
Ek sorg dat die vrou na jou toe kom – kry solank 10-15 vroue, sê hulle moet geldjies eenkant sit en dat #PowerShoot sy in jou winkel….
LikeLike
Oe!!! Moet ek my hare gaan laat blaas en my naels laat doen en sommer vir ń massage ook gaan… Als wat ek nooit doen nie. Ummm, hoekom nouweer moet ek als doen…? Ek vergeet ietwat wat die saak is…Lysie! ń Lysie maak: Laat die regering prosedeer; kry myself reg vir die tv, gaan koop ń nuwe rok. Klink dit vir jou reg?
LikeLiked by 1 person
Haal asem. Eers die grond – ons gaan sweet, dan die voorbereidings vir die photoshoot. Gaan vang nou eers Sondagmiddagslapie. Ons begin more met lysies. Lawwe Una!
LikeLike
Ek wou nounou al vir jou sê ek is besig om lekker twak kwyt te raak. Baai, ek gaan nou broodpoeding bak.xxx
LikeLiked by 1 person
Bêre vir my ‘n skeppie.
LikeLike
Kan ‘n aangetroude Fourie ook deel in hierdie stukkie pret?
LikeLike
Hoe meer siele, hoe meer vreugde.
LikeLike
Ja wat, die van Fourie is die wagwoord.
LikeLike
‘n Lesedi-drankie klink net reg, maar ek wil ook by daai kruietuin ‘n draai gaan maak vir saalinge. Nee, nie dààrdie krui nie, ek bedoel die soort wat jy in jou kos gebruik. Gedroogde kruie doen dit nie regtig vir my nie. Dit was nou ‘n baie interessante pos Lekkervurig, maar ek sal maar liewer niks sê van die bobbejaanspinnekop nie. Mens kan die Towerinne nêrens heen vat nie!
LikeLike
Ons twee sal die kwekery leeg koop. Lief vars kruie. Oor my poetse🤪
LikeLiked by 1 person
Ons kuier, drink, eet, leer, koop en kuier nog so bietjie. Lekker lekker
LikeLike
…en dan tref ons Pretoria…..
LikeLiked by 1 person
O die hemele behoed ons….
LikeLike
😉🤗
LikeLike
Na die hackery kry ek nie op julle blogs geantwoord nie. Moet elke keer weer identifiseer dis ek. Dis nou n heerlike stuk geskiedenis. Dankie vir al die inligting. Eks self besig om my agtergrond aanmekaar te sit vir die groen bus se rit en aankoms by my.
LikeLiked by 1 person
Hallo Scrapy. Sulke peste, wens die ou wêreld se skelns wil gewone mense uitlos. Ek sien uit om saam jou in ons geweste te kuier. Groetnis.
LikeLike
Ek het op n paar interessante feite afgekom. Die internet gee mens darem maar baie ekstra inligting. Gelukkig kan ek darem onderskei tussen waarheid en stories omdat mens self daar gebly het. Daardie peste maak my naar. Het my flou geskrik want dit was eerste keer wat soiets gebeur het.
LikeLiked by 1 person
Ja, die geskiedenis is al goed ingekleur. Wat jou internetveiligheid betref, hoop jou stellings is so dat hulle jou nie weer bykom nie.
LikeLike
Goed seker gemaak. Ek weet ook presies hoe dit gebeur het, die blikskottel was van Nigerië.
LikeLike