Nee kyk, my vredige en sielsverrykende naweek het sopas soos ‘n gebarste ballon die niet in verskiet. Ek is by flippin, flippit, f.. vies verby.
Vertel asseblief vir my hoe jy enigsins dink om ‘n foto van twee weerlose, slapende kinders in ‘n winkeltrollie te neem en dan so ewe op Vuisboek vir ander mense te vra om iets omtrent die saak te doen. Flippit man, praat met die ma of pa, bied heenkome, kry hulle self by hulp uit. Wees ‘n doener, raak betrokke. Ek het nou vir 10 minute net gesit en my probeer indink hoe hierdie toneel die nemer genoop het om dit te neem en te Vuisboek.
Geen inagneming van beskerming van minderjariges nie. Waar is die volwassene of wie ookal wat die twee slapende kinders in warm klere en onder ‘n kombers in die trollie toegeknus het. Wat is hulle omstandighede?
Het jy wat die foto geneem het en “help, help” op Vuisboek skreeu, vir hulle kos gekoop, ‘n warm slaapplek aangebied en more maatskaplike- of kerkhulp gaan soek. Het jy tasbaar hulle liefde en deernis bewys? Jou foto sê meer van jou leë bestaan as wat jy besef. O, en die massa raad wat in die kommentare volg… nie een mens wat sê ek het hulle opgespoor en hulle is veilig by my nie. Nee, lyste nommers van ander wat moontlik sal kan help. Pffft.
Dit is presies hoekom die wêreld lyk soos sy lyk. Ons verwag iemand anders om die doener te wees. Ons sal menings lug, gil en skree, maar vuil boude afvee, snot en trane afwas, sere verbind? O, nee. Ag ek is sommer net hartseer en kwaad vir ons oppervlakkige samelewing.
Laaik op Vuisboek vir enige noodsituasie red geen kind of renoster van ‘n vreeslike lot nie. Dis vir my ‘n regte skuiwergat maneuver om jouself goed te laat lyk in die massa trop trolle wat hulle lewens met “like, wow, sad, love, angry” bedryf. As jy klaar jou knoppie gedruk het, rol jou flippen moue op en leef dit tasbaar uit.
Jesus het nie verniet kom wys hoe nie.
Ja nee, trek ‘n vinger iewers uit. Ky slaat die spyker op die kop.
LikeLiked by 2 people
Ek het eendag gelees in antwoord op ‘n kommentaar “sending you my thoughts and prayers’ – “thank you, much appreciated, can you please send a small donation as well?” Dit klink vreeslik, maar al die holklinkende kommentaar en “likes” maak my ook vies.
LikeLiked by 3 people
Eish….all talk and no do…
LikeLiked by 1 person
Praat is veel makliker as doen…. daarom gesels almal so lekker saam. Ja, Jesus het ons kom wys hoe word dit gedoen.
LikeLiked by 1 person
Dis baie waar wat jy hier praat, dankie vir die deel hiervan
LikeLiked by 2 people
Dankie dat jy kom inloer. Ons mensdom frustreer my so, as ons net mekaar in die oog kan kyk en sien en verstaan en dan met empatie mekaar help. Groetnis uit Limpopo.
LikeLiked by 1 person
🌻
LikeLiked by 1 person
Tall order met die baie nood in ons land, maar ek strm saammet jou. Om dit op fb te plaas, het net mooi niks gehelp nie. ‘n Broodjie sou.
LikeLiked by 1 person
Jy is 100% reg
LikeLiked by 1 person