Ha, het jou katvis. Gedink ons gaan nie vanjaar #Woordwarrel nie,nè. Wel, dis ‘n kleine foutjie. Ons gaan vanjaar tweeweekliks #woordwarrel, sodat die skryfroes af kan skuur en die skryfmuse jou kan aanvuur om tog te kom saam speel.
Daar is nie reg of verkeerd of reëls nie, wel net so paar huishoudelike goedjies om #Woordwarrel sinvol te laat vloei.
Hester en ek sal elke twee weke ‘n inspirasievonkie plaas. Broei so bietjie oor die vonk en gaan sit en slaat die gedagtes wat by jou opkom via die qwertybord die eter in. Kom ons gesels en wonder en deel gedagtes en maak 2022 die jaar van strome woorde en inspirasie vir ons almal.
Jy hoef nie die volgende Deon Meyer of Scott F.Fitzgerald te probeer wees nie, wees net jouself en deel jou gedagtes. Ag toe, ag assebliefietog.
#Woordwarrel Inspirasievonk 1/2022
Daar waar jy graag skrywe, gaan sit gat op stoel en draai jou kop na regs. Wat sien jy? Vertel ons die verhaal van die objek/boek/prent/ wat ookal in jou sigveld beland. Hoe het jy dit bekom? Waarom is dit by jou? Wat beteken dit vir jou.
As dit nie jou skryflus aanwakker nie, skrywe sommer net vrylik wat in jou gedagtes opkom. Dis die eintlike doel van #woordwarrel.
Woordwarrel se so-maak-mens volg hieronder. Kom speel saam.
Hierdie bloguitdaging word gesamentlik aangebied deur https://hesterleynel.co.za en https://lekkervurigeaffere.blog/.
Hoe dit werk:
Die aanbieders sal om die beurt elke tweede Donderdag voor twaalfuur ‘n inspirasievonk in die vorm van ʼn spreuk, spreekwoord, gesegde, vreemde woord, of nuutskepping op haar blog plaas om die uitdaging af te skop.
Deelnemers word genooi om die vonk te gebruik en net eenvoudig te laat waai – gaan net daar waar die woordmuse en jou gedagtestrome jou lei in ’n malse maalkolk, in stroomversnellings, in stil waters of in ruisende valle, vlak of diep.
Daar is geen beperkinge op die tipe skryfsel wat jy wil pleeg nie. Skryf min woorde of baie, ‘n haikoe of enkelreël, opstel, gedig, resep of wat ook al die inspirasievonk losgeskop het in jou skrywersbrein.
Oopbek en loshande is die enigste reël.
- Publiseer jou bydrae voor of op die Sondag wat volg op die datum van die uitnodiging.
- Plaas die skakel van jou bydrae in die kommentaarblokkie (“comments section”) onderaan die blog waarin die inspirasievonk verskaf word om te verseker dat daar ‘n terugskakeling (“pingback”) na jou inskrywing sal wees wat deur ander lesers gevolg kan word.
- Jy mag dit makliker vind om die twee aanbieders se blogs te volg om te verseker dat jy nie die inspirasievonk vir die week misloop nie.
- Plaas gerus ‘n kopie van ons Woordwarrel-logo bo-aan of binne-in jou blog, sodat ander skrywers weet dat jou bydrae deel vorm van hierdie uitdaging.
- Gebruik die hutsmerke #Woordwarrel #Afrikaans
Laat waai en geniet dit.
Klink na ‘n lekker uitdaging, dankie Erna.
LikeLiked by 1 person
Hallo Dina. Ek wed ‘n mooie foto is jou vonk.😉📝💖
LikeLiked by 1 person
Dis ‘n goeie plan… dalk is dit ‘n boek. Sal moet gaan sit daar waar ek altyd skryf. Daar is tans baie gemors. Dalk kan ek dan sommer ontklotter(??)
LikeLiked by 1 person
Ek is ook met ontklottering besig. Die tweede vuur gaan aans brand.
LikeLiked by 1 person
Ek het alweer stoom verloor, maar miskien inspireer jy my tot vurige brandende hoogtes!🤪
LikeLiked by 1 person
Dit klink nou heerlik! Maar ek sal eers my rekenaar (en stoel) moet skuif, want as ek na regs kyk sien ek die wasbak met die skottelgoed in … en dit inspireer my glad nie 😁.
LikeLiked by 1 person
Bwaha.🤣🤣 Miskien is die skottelgoed reste van ‘n gesellige ete, of miskien sien jy soos ek reënboë in die seepborrels….😉
LikeLiked by 1 person
Dit is inderdaad die nadraai van ‘n heerlike ontbyt … maar daardie pot van gisteraand waarvoor ek nie toe kans gesien het nie, moet ek nou bykom. Jy laat my nou so effe anders na die opwasbak kyk 😉.
LikeLike
Vonke oral….😉
LikeLiked by 1 person
Mmm, wanneer ek my kop na regs draai, sien ek CDPark. Ek sit by my kamervensters hier bo en hou die doenighede om my dop.
LikeLiked by 1 person
Dit klink na pret…katte, ganse, water….bure…📝😉
LikeLiked by 1 person
Mmmmmmm, da gat my kop….
LikeLiked by 1 person
Ek sien jou by jou lessenaar in jou nuwe nes.
LikeLike
Hoe lekker wakker jy nou my skryflus aan!
LikeLiked by 1 person
Whoohoo, dis goeie nuus.
LikeLiked by 1 person
Dankie vir die deelneem, Frannie. Maats, gaan lees hoe lekker warrel Frannie: https://frandr.wordpress.com/2022/01/20/woordwarrel-1-die-voorwerp-regs-van-my/
LikeLike
Ai ja jai, dis nou n gedoente van n ander wereld. Lang storie kort, ek het laaaaaanklaas geskryf. Het geen skryfplek meer behalwe dalk op my skoot. Sug, sal sien die naweek my behandel. Huis skoonmaak vir Sondag se open home moet eers gebeur en dan sal ek maar sien wat volgende gebeur.
LikeLiked by 1 person
Sterkte met al die veranderinge.
LikeLike
Dankie, is maar ‘n ding so ‘n verkopery van ‘n huis en dan weer ‘n nuwe blyplek.
LikeLiked by 1 person
Dankie Hester dat jy kom warrel al warrel jou lewe elke dag met baie take. 💖💖
LikeLike
LikeLike
Dankie vir die steun met “Poets”. Altyd waardeer. – groetnis, willem
LikeLiked by 1 person
Dankie vir die steun met Na-verlies, Vurige. Groetnis, willem
LikeLiked by 1 person
👋
LikeLike
Dankie vir die steun met “Moments” – groetnis, willem
LikeLiked by 1 person