Hier is die 12de hoofstuk van ‘n bloguitdaging wat handel oor die avonture van die Towerinne en Coronamouna. Die hele wêreld is nog steeds in rep en roer oor die heks genaamd Coronamouna en haar mak spinnekoppe wat die virusballetjies oor die planeet versprei het. Die Towerinne is vasberade om hierdie pandemie die hok te slaan en die spinnekoppe te laat boet vir hulle wandade.
Die Towerinne vertel self van hulle avonture, in die vorm van ‘n vervolgverhaal. Lees gerus die ander bloggers se bydraes by ons InLinkz-skakel:
https://fresh.inlinkz.com/p/c0342166738644c9875c54b4f5669017
—————————————————————————————————————————————–
As ‘n mens ‘n fliek sou moes skiet, so die bedrywigheid op Rebusfontein ‘n groot logistieke probleem vir ‘n filmmaker gewees het. Oral is iets aan die gang. Die spanning en angs tasbaar in die lug.
In die donkerte sien mens twee stelle fakkels nader aan grot by die vervalle herehuis beweeg. Dis Vuurvliegie, Seegogga en Bondels voor en Hester, Positief en Woordnoot agterna. Una moet vannag nog uit die Coronamouna spinnejaster kokon gered word.
Kyk mens op na die flonkerende sterre, sien jy ‘n lig wat nader spoed. Dis die ElonMuskmasjien wat Christa en Scrapy gebruik het om Chris Chameleon en sy traapsuutjie weermag te gaan haal om te kom help om Coronamouna se stoute spinnekoppe te kom stopsit en of uitroei.
Rebus fontein kan ook maar net nie van moord en doodslag wegkom nie.
Ondertussen, op die dorpsmeent is Virgo C en Sonell besig om met mag en mening ‘n rehabilitasiesentrum in te rig. Dis net ligte en tente en draad wat gespan word. Hoktyd vir ‘n klomp Towerinne lê voor.
Reeds opgeneem is Toorts, Kameel en Camilla wat beneweld hulle roes afslaap. Van te lekker, slaap hulle nou diep. Arme Frannie sit maar en lees voor uit ‘n Lidi de Waal bundel. Heel gepas lees sy “Die Varkievrou”
Die Towerinne is so oorweldig deur Broodina se slinkse truuk dat hulle sukkel om al hulle varkies op hok te hou. Broodina het mos gegaan en Coronamona vertel van Rebusfontein as toevlugsoord na sy en haar spinnekoppe nie meer by Barnum se sirkus ‘n holte vir die voet gehad het nie. Of is dit nou besem en web?
Frannie lees met haar mooi stem:
“Van lank lank gelede af sê mense
die vrou se varkies is nie almal op hok nie
maar ag wat mens kry mos verskillende kopvarkies
jy kry die makkes
die linkerbreinvarkies
wat netjies in gelid bly
die ordentlikes wat hulle nie maklik laat bewolf nie of bevark nie
wat mooitjies in netjiese hokkies pas
en dan ai tog lo and behold
kry jy die malles
die regterbreinvarkies
dis nie varkies wat jy aldag kan voorsê nie
of inhok nie
daais is die next level shit varkies
die weirdvarkies die vliegvarkies
die artvarkies
mettertyd kom jy agter
dis beter om hulle op hul eie manier te laat operate
want dan kan hulle vir jou die hemel op ń skinkbord bring
hulle kan eentonige middelmatigheid omtoor in voortreflike uitnemendheid met pers en groen kolletjies op
en soms (rerig erig sonder dat jy dit so gewou het)
kerjakker van jou varkies bietjies te uitbundig rond
en trap hulle op iemand se tone
of pee teen iemand se heilige bome
maar op die ou end moet jy al jou varkies net onvoorwaardelik liefhê
en koester
want jou varkies…is jou varkies”
Toorts, Kameel en Camilla roer traag. “Wat is dit oor varkies…,” mompel Toorts.
Sonell en VirgoC lag te lekker.
“Dink jy nie ons sentrum moet ‘n naam kry nie? So mooi op ‘n plank of stuk sinkplaat geskrywe,” beduie Sonell hande in die lug. Sy lyk nes ‘n visserman (vrou) wat beduie hoe groot die vis wat weggekom het sou wees.
VirgoC lag, “Jong, as ek so na Hester se gewip oor al die Frangelico en witblits brassery kyk, gaan dit Kamp Staaldraad wees.”
“Bwahaha, nee man, liewer kamp Staalwol, ons is darem almal vroumense en Lorenzo het niks verkeerd gedoen nie. Genade, staalwol is lelik, wat van daai goue Goldilocks potskuurders,” antwoord Sonell lemmetjieskerp.
Kamp Goldilocks word die rehabilitasiesentrum eenparig genaam. Sonell sleep summier ‘n stuk sinkplaat nader en Frannie loop soek verf en kwas.
Intussen, in die grot, agter die herehuis kyk Una met groot oë na die menigte Frangelico bedwelmde spinnekoppe met hulle Corona balletjies wat oral rondlê en vra na meer engeltjiepiepie. Dat die Towerinne se gunsteling drankie nou so gewild kan raak. Wat haar oë nog groter laat rek is Broodina wat selfvoldaan voor ‘n rots aan die grotwand druk en dan verdwyn sy so deur die klip. Wat gaan aan wonder Una.
“Is ek besig om te yl, het ek covidkoors,” wonder sy benoud.
Sowaar, Broodina stap deur die rots en dan kom sy met nog en nog spinnekoppe terug. Sy praat iets van oorheersing en oorname, en dat sy nie sal rus voor elke Towerin en towertroeteldier uit Rebusfontein verdwyn, sodat sy in vrede baas kan speel oor die magiese plek nie.
“Het die vrou g’n einde nie,” Una sweer wraak, sy moet net op een of ander manier uit die kokon loskom. Broodina stap sluip sluip grot uit, ook net betyds.
Buite die grot land die Elonmusk vuurpyl. Toe die stof gaan lê, staan ses Towerinne en Lorenzo en met fakkels en wag. Die masjien se deur gaan geluidloos oop. Christa en Scrapy, Perdeby en Chris Chameleon kom uitgestap. Sowaar met honderde klein trapsuutjies!
Lorenzo staan oopmond en vergaap hom. “What eez dat,” al wat hy uitkry.
Klaarblyklik nog nooit ‘n verkleurmanntjie gesien nie.
“Dis ‘n trapsuutjie,’n verkeurmannetjie, ‘n chameleon,” sê Hester.
“A what? Ghaamelon? Why dei walk so careful? Are dei scared of de spiders,” stotter Lorenzo.
No, man Lorenzo the step-softlies have long tongues, on which we have put sanitiser balls, which will kill the spiders and destroy the little corona balls and stop the covid from spreading,” beduie Crista in haar skooljuffrou-geduldig stem om vir verwarde Lorenzo te kalmeer.
“Mense, dit lyk vir my na ‘n Apie-situasie die,” sê Chris Chameleon en trek los in sy vier oktaaf stem. Net so spontaan. Die Towerinne staan oopmond en luister.
Daar’s n apie wat nooit slaap nie
Wat heeldag en heelnag in my kop rondbons
En hy hou my dikwels wakker
Hy’s n nikswerd bakoor rakker
As hy so bonsEn ek kan hom nie keer nie
Hy wil hom nie aan my steur nie
Kan my apie nie beheer nie o weeAlmal het n apie
Dis daarom dat die plek lyk soos hy lykAlmal het n apie
En niemand kry sy apie om te wyk nieDaar’s n apie in n hokkie en daai hokkie
Is my koppie wat soms bons
En daai apie speel toktokkie
Tokkel heeldag met sy klokkie
As hy so bonsEn daai apie hou nooit op nie
Om my wêreld om te dop nie
Kan daai apie net nooit stop nie
Hier gaan ons weerAlmal het n apie
Dis daarom dat die wêreld lyk soos hy lyk
Almal het n apie
En niemand kry sy apie om te wyk nie
Daar’s n ou man by
Wie ek altyd goeie raad kry
Hy se vir my
As ek daai apie stil wil kry
Hoef ek nie verder te soek nie
Vir n apie muti nie
Want apie sal verdwyn
As ek tyd maak vir stiltetydAlmal het n apie
Dis daarom dat die wêreld lyk soos hy lyk
Almal het n apie
En niemand kry sy apie om te wyk nie
Almal het n apie
Niemand word nie gepla nie
Niemand het nie n apie nie
Wat nie amok wil maak nie
Almal het n apie
Moet my nie so aangaap nie
Jy het ook n apie
Kom bring gerus jou apie
Ons hou n apie paartie…
Sulke vermetelheid!!!! Sy is onmoontlik en dan wil sy nog ‘n wens ook hê, anee a! Gelukkig was Lorenzo, Chris en al die Towerinne op en wakker en is hierdie nagmerrie amper verby. Sjoe dankie Erna, knap gedaan! Geweet jy sal die regte plan kan neerpen. Wonnnnnnerlik
LikeLike
Dankie dat jy help inspireer het, ek voel verroes!
LikeLike
Ag twak, jy het heeltemal goed gedoen op jou eie..nerens ‘n roespleki in sig
LikeLike
Skitterend!!! Ek het geweet jy gaan ń grootse episode tafel toe bring, en jy het! Ek is vry, die spinnekoppe is m-toe geskiet, hoeraaaaa!!!!!!!!!
Vuurvliegie, jy bring die hele boksombende net so tjoef bymekaar, met Alladin se genie, die pyper van Hamelin, en Chris se apies als ineen gevleg. Kamp Goldilocks, nogal. Gmph…
Die beste is Die Varkievrou wat tant Frannie so sit en voorlees. Well done!
LikeLike
Hoor hier, hierdie apie-voorlesing van Frannie en dan Chris se liedjie, my tone krul om van lekkerkry!!!
LikeLike
Joe! Sommige mense kan net uitstekend skryf! Hartlik geluk. Una, jy is vry! En die spinnekoppe is gelockdown. Sal iemand asb die president laat weet?
LikeLike
Laat Sonell net eers mooi met Broodina afreken voor ons bly raak….😉
LikeLike
No more lickdown!
LikeLike
Lickdown, my maat, beste woord ooit.😷
LikeLike
🤣🤣🤣
LikeLike
En die varkies! So mooi
LikeLike
My absolute Lidi gunsteling. Het die skildery ook.💝
LikeLike
Mal daaroor. Ek voel so tuis daarin.
LikeLike
Ek hoop nie Lorenzo het in sy entoesiasme homself opgeblaas nie 😲 Uitstekende aflewring Erna, ek het geweet jy sal ‘n manier bedink om van die onheilige gespuis ontslae te raak, sommerso op die maat van Chris se musiek. Jip, nou nog net Kamp Goldilocks en afrekening met Broodina – ek hoop Sonell laat ons toe om haar te teer en te veer. Ek het regtig nou genoeg gehad van hierdie dame.
LikeLike
Ek is seker onse Lorenzo is veilig. Ek reken Kamp Goldilocks is ‘n ware inperking…🤣🤣🍷😷 Ek het al my geld op Sonell om vir altyd van Broodina ontskae te raak
LikeLike
Sonell sal vir altyd my heldin wees.
LikeLike
Ons probeer al sedert ons toer om haar af te skud….
LikeLike
Sy’s nes ou Jan Wilson se kat “🎵 en die kat kom weer … 🎵”
LikeLike
O jinne, Sonell moet slim wees…
LikeLike
Ag vuurvliegie, ek het nou lekker gelees. Oulike inbring van Chris se liedjies, die man speel lekker met sy stem.
LikeLike
Dis jy wat hom vir ons gebring het, toe moes hy sing- sing ons help lickdown keer.💝📚✏😉
LikeLike
Gits, Vuurvliegie, staan my brein my heeltemal stil toe ek dit lees. Toe moet ek eers weer na myne gaan kyk. Ek het Chris de Burgh en Anton Myburgh gebruik om te vertel. Ek dink jou Chris het ‘n baie goeie werk gedoen. Ek hou nogal van sy liedjies. Het omtrent al sy musiek. En jy het dit besonder goed hier gebruik. Was lekker om so na die liedjie te luister terwyl ek verder lees.
LikeLike
Suster, jy het Chris ontbied Lees Woordnoot se “All for one”….
“Christa ‘n onaardse gil. Amper donner ons almal na benede want die nerfies is maar dun! “Verkleurmannetjies!!!… waar’s my foon! Chris Chameleon, julle ouens! As Chris ‘n paar honderd verkleurmannetjies bymekaar kan kry, vreet hulle hierdie spul lag lag op!” Sy bel sonder om eers te hoor wat ons dink en wonder bo wonder, antwoord Chris dadelik. Dis net hande soos Christa beduie en sy praat so vinnig dat ek heeltemal tred verloor maar aan die breë glimlag op haar gesig kan ek sien die nuus gaan goed wees”
Dankie aan julle , Woordnoot, Christa en die verkleurnannetjie, anners kon ek nie so lekker skrywe nie.
LikeLike
O my word, Vuurvliegie, ek is dof vandag. Natuurlik het ek …
LikeLike
Ag toemaar, jy het verhuising en so wat jou aandag opneem…😉🤣
LikeLike
Eerder die dinge wat ek gedink het ek privaat met myself bespreek het. Ek het my aandeel in jou storie baie geniet. Chris het my lyk my ook begogel …
LikeLike
Welgedaan Vliegie!!!! Jou Chris songs rond als mooi af. Ek het dit so geniet van Lidi tot by die gedoentetjie in die kênfroet borrel!!! Love it!!!
LikeLike
Altyd lekker om met julle avontire te hê en saam te spin aan stories…💝📚✏
LikeLike
😻👏💜💛💚
LikeLike
Puik ons skrywermaat!! Jou prentjies, die gedig en liedere is so goed gekies. Jy kan maar…onse Vuurvlieg het haarself weereens bewys!👍👍
LikeLike
Mater, ek was gelukkig, net roeserig, dat julle my so oulik voor geskrywe het. Hoe kan mens nou oor Chris Vetkleurman skrywe en hy sing niks. Ek het my op die ou einde gate uit geniet.💝📚✏
LikeLike
Pragtig, Vuuvliegie!:Una vry en coronamouna in n kenfroetbottel! En Chris met sy eie los varkies by! Ek moet sê daardie spinnedrade was regtig taai. My knypers is skoon lam.
LikeLike
Dis Vuurvliegie wat skielik anon is….
LikeLike
Dankietog, Una is uiteindelik bevry!! Hoeraaa! Vuurvliegie, dankie vir Lidi se gedig, dit het my eie bont varkie wat weg was, nader gelok – daai enetjie met die pers en groen kolletjies. Hy slaap nou rustig voor die rehabilitasiesentrum se uithangbord. Oe, en die wysheid oor regter- en linkerbreine, ons het mos net nou-die-dag oor regs- en linkshandiges gefilosofeer. Ag en ek kry Lorenzo so lief as hy so manhaftig optree. Hierdie hoofstuk was ‘n fees.
LikeLike
Ek moes vertel wat jy so rustig vir die swymelendes voorlees. Het roes roes geskrywe na al die weke ae niks, en toe kom my varkies ook op hok en terug na mamma toe.😉✏📚💝
LikeLike
Jy was braaf, verby. Ek is bly ek het net moes fakkel.😉 Gelukkig wag Sonell daar by Kamp Goldilocks, en dis darem nie ‘n lickdown wat wag nie…o, gaats dis Hester se lockdown op partytjies besef ek nou …hehe
LikeLike
Nou toe, daar is die hele gedoente netjies ‘amper’ afgerond en uitgesorteer. Vuurvliegie, jy het jouself oortref. Daardie veertjie het toe wraggies mooi uitgekom. Het die foto afgedruk en hy hang hier voor my om my ook te inspireer om voort te gaan met skryf. Bly Una is vry met haar wawiel en al. Die klomp verkleurmannetjies en Chris is weer veilig terug in sy blyplek. Hy sê baie dankie dat ons hom gevra het om te help. Dit was vir hom n heerlike verposing tussen al sy optredes.
LikeLike
Ag ek is so bly my vere help jou. 😉✏📚💝 Kyk jou elonmusk masjien maak darem verposings moontlik , ek kommer net vreeslik. Wat het van Kosie Robothond geword. ..
LikeLike
O Grieta, het skoon van hom vergeet. Wie was nou weer in beheer van hom? Hoop nie hy is saam met spinnekoppe vernietig nie. Arme outjie.
LikeLike