Ons is bevoorreg om smorens vroeg die genade gloor van sonop aanskou. Die genade van ‘n nuwe dag. Sedert 14 Augustus het ons in dieselfde dankie asem om beskerming vir almal in ons omte gebid.
Siedende veldbrande het daagliks om ons gewoed. Aangeblaas deur ‘n Rambo van Augustus winde. Bure skarrel, die brandweer word ingeroep. Vee, wild, weiding bly in die slag. Vir ‘n paar dae word mense en wonings gespaar.
Tot hierdie oggend. Met hierdie son opkoms. Ons moes ‘n voorbode aangevoel het. So teen 11uur stap ek waskamer toe. My hart klop benoud. Daar is rook in die rantjies agter die huis. Ek bel die man van die plaas.
“Dis by ons bure Tannie. Hou dop en laat my weet. Ek is hier waar die weghol voorbrand begin het,” antwoord hy my.
Die wind speel nie saam nie en die vlamme spring en bons met die mannetjieswind se aanhitsing. Gou is dit oral om ons. Ek staan en kyk hoe die trekkers met watertenks verby kom. Bure kom help. Spanwerk en saamstaan.
Teen die son se gaan slaaptyd lyk dit of die vuur geblus is. ‘n Buurhuis het afgebrand. ‘n Vrou-alleen huis die afgelope 18 jaar. Sy verloor alles terwyl sy bure help vuur slaan. Iemand beland in die hospitaal met brandwonde. ‘n Skrootwerf brand lelik.
Die nanag oproep om hekke te gaan oophou en die angs in ons plaaskind se stem noop my buitentoe. Die wind loei en agter die besproeiing sirkel onderkant die huis dans die vlamme in die stikdonkerte. Magteloos staan ek en kyk. My hart bons benoud en ek voel weer daai sesjarige vrees toe ons in Swaziland deur vuur omring is. Ag Here, laat die wind asseblief draai die mantra van ons almal wat hekke oophou, vuur slaan en net soos ek net magteloos kan kyk.


Die wind het gedraai en gehelp dat die vuur in homself inbrand. Wat ‘n verligting was dit nie.
Moeg en roet besmeer kon die manne en vroue in die oggend gloor van die Vrydag dankbaar sê dankie vir die genade van ‘n nuwe dag.

Ons omgewing is swart. Roet gras waai by oop bo-lugte in. Verskroei lê die veld oral om ons heen. By een plaashek is daar nie meer ‘n huis aan die einde van die laning nie.


Dis derduisende hektaar weiding daarmee heen. My kind se naweekboer vriend, Thabo, wonder hardop of hier iets sinister aan die gang is. Ons ken nie sulke aanhoudende brande nie. “Something is fishing here,” skrywe hy. Ja, Thabo voorwaar, onrus en vermoedens het kom vis.
Oproepe om hulp met voer en finansies gaan uit. Ons landskap swart.
Maar aans gaan die vlam rooi aalwyne in die swart aarde begin blom. Dis ‘n ander mooi.
Vir nou hou ons vensters dig sodat die roet flenters maar elders kan inwaai, en ons staan smorens op en sê dankie vir die nuwe dag en genade, en Here, stuur asseblief milde reën.
Sjoe vriendin, dit moes vreesaanjaend gewees het. En soveel skade. Ek hoop daardie vuurpyle blom ekstra mooi hierdie jaar en bring weer vreugde.
LikeLiked by 2 people
Hierdie was bang ure. Groot dankbaar dat ons direkte omte uitgespaar is.
LikeLiked by 2 people
This brought tears to my eyes as I was immediately swept back to such fires in the Lowveld that we could see from our farmhouse: the wind blowing flames across swathes of grass to catch in the bluegum trees; trying to herd cattle out of harms way; the knot in one’s throat whilst eyes sting from tears and smoke … your vivid description brings to the fore the urgency and the fear, the need for all hands to pull together and the sadness mixed with relief once it is all over. Whatever the outcome, we are left with blackened veld, burned animals and a longing for rain and reason.
LikeLiked by 3 people
I had to wait for my emotions to settle before sharing the experience. 14 to 18 August 2022 was a hard week for us all.
LikeLike
Ontsettend! Dankbaar julle is gespaar
LikeLiked by 2 people
Ons ook.
LikeLike
Dit moes skrikwekkend gewees het. Dankie dat dit nou verby is. Sterkte met alles wat voorlê. Ons is ver van julle af, maar laat weet hoe ond kan help.
LikeLike
As julle enige donasies wil maak, volg skakel in my blog. Die mense organiseer alle behoeftes en skenkings. Baie dankie.
LikeLiked by 1 person
Watter verskriklike ervaring!
LikeLiked by 1 person
Og, dis verskriklik hartseer – wat ‘n vreesaanjaende gebeurtenis. My hart gaan uit na julle en ek bid saam vir reen om die aarde nat te maak.
LikeLiked by 1 person
Dankie baie. Ek is dankbaar die mense wat hulp nodig het kry steun. Ons was gelukkig.
LikeLiked by 1 person
Dis baie skade, maar ongelooflik dankbaar julle is veilig. Ek bid saam vir reën🙏
LikeLiked by 1 person
Ek hou my asem so diep op terwyl ek lees… kan my nie eers indink as mens midde die gevaar is nie. Dankbaar dat julle gespaar is maar dink aan almal wat soveel skade het. Ai.
LikeLiked by 1 person
🙏🌻
LikeLiked by 1 person
My hart en gebede gaan uit na die hele gemeenskap wat hierdeur getref is. Mag daar hoop uit die wanhoop groei.
LikeLiked by 1 person
Dankie Liza. 🙏🌻
LikeLike
Ons is saam dankbaar dat julle huis die ergste gespaar gebly het en bid saam vir die wat minder gelukkig was.
LikeLiked by 1 person
Baie dankie. 🙏🌻
LikeLiked by 1 person
Ai Erna, ek het eers gedink om môre die stuk te lees want dis slaaptyd hier by my. Tog maak ek oop en lees die angswekkende omstandighede wat jul deur maak. Ek het ook jaar vir jaar saam geleef met boere wie se weivelde afgebrand het hierdie tyd van die jaar. Dis hart verskeurend om te dink hoe baie skade daar altyd is. En dan nog die Augustuswinde wat altyd alles aanblaas. Ek voel vir jul almal. Net bly jul is gespaar. Nou kom swaar tyd om voer te kry. Ja ook vir daardie aalwyne way so welig altyd hul blomme uitstoot. Ai, ek het nie woorde nie.
LikeLiked by 1 person
Dis erg dat die brande bykans daagliks in die omgewing ontbrabd het. Jaarlikse brand die ken ons, maar daagliks is raar. Dankie vir jou meelewing. Lekker rus.🌻🙏
LikeLike
Dit is vreemd dat dit daagliks is. Dis beslis brandstigting klink vir my. Is dit net sekere dele wat aangesteek word of word dit sommer net gedoen uit moedswilligheid?
LikeLiked by 1 person
Ons sal nooit weet nie.
LikeLiked by 1 person
Ai Erna, ek voel jou vrees en dankbaarheid. Dis verskriklik traumaties. Sterkte vir almal wat sleg daarvan afgekom het.
LikeLiked by 1 person
Dankie Dina. Die verligting vir ons is groot. Dit blyk dat almal wat hulp benodig ook seëninge in die seer ervaar.
LikeLiked by 1 person
ek snak na my asem! Wat ‘n ondervinding. Ek het dit ook al beleef, dis angswekkend. Ek is so dankbaar julle is veilig. Mag nuwe lewe vinnig alles om julle mooi maak
LikeLiked by 1 person
Dankie Bondels
LikeLike
Ai dis erg, ons het dit ook al beleef, met harte wat in die kele klop. Sterkte
LikeLiked by 1 person
Dankie. Hoe gaan dit met jou. Ek bid vir mooier,sagter dae.
LikeLiked by 1 person
Ai, ek is jammer om van die brande te hoor. Ek is bly dat julle ongedeerd is.
LikeLiked by 1 person
💝🌼
LikeLiked by 1 person