Die skildery van Andrea Kowch, eintlik al haar werk, tref my toe ek so op die Vuisboek rondblaai. Dis op ‘n blad wat sorgsaam lieflike betekenisvolle woordsnoere en skilderye plaas. Gaan loer gerus by Ravenous Butterflies..
Die aanhaling daarby: “She did not need much, wanted very little. A kind word, sincerity, fresh air, clean water, a garden, kisses, books to read, sheltering arms, a cosy bed, and to love and be loved in return.”
Die woorde van Starra Neely Blade is al jare in omloop.
Ek sit so en kyk en lees en klomp ironie en teenstelling tref my.
Wat is die prys van ‘min’ dinge. Wat kos dit om skoon water, tuine, boeke, warm bed te wil hê? Wat gebeur met jou as dit onbekombaar is, as jy nie eens basiese middele om jou behoefte aan veiligheid en beskerming kan bekom nie?
Dan gaan boeke brandhout word en wie ook al nader kom, kwaai afgejak word. Vra die welmenende tannie wat vir ‘n honger straatloper ‘n paar ontwerperskoene en ‘n Bybel wil gee gee.
Wat kos liefde, koestering, opregtheid, veiligheid? Veral as dit nie wederkerig is nie. Eenrigting liefde en omgee is uitputtend.
Om diensmaagd vir ander se arrogansie en selfsug te wees maak sagte omgee en koestering ‘n turksvy. Die wêreld is ‘n plek waar geveinsdheid aan die orde van die dag is. Die oënskynlike glimlag en omgee so oppervlakkig soos ‘n Vuisboek status of WhatsApp boodskap. Maklik om uit te deel, en jy hoef nie werklik in die wit van seerkry en alleen se oë te kyk nie.
Veiligheid, sjoe ek wil eintlik nie eens daaraan dink nie. Met alles so boos en korrup in ons land, die geweld en moorde. Nou weer sommer hier naby ons ‘n verkragting en skietery (een van die bliksems is dood na hy met die polisie by ons stad se sirkel slaags geraak het) – dis ‘n duur ding om voor te wens en a die veiligheidsmaatreëls in die wêreld is geen waarborg nie.
Die skildery en woorde daarby waarsku teen naïewe wensdenkery wat mooi snoere soms verkondig. Dis net woorde en prentjies.
Nee, Lekkervurig is nie so sinies nie. Op hierdie gegrendelde Vrouedag, waar ou CR op Vuisboek voos gevoetsek word oor hy waag om lewendig sy orasie te lewer; waar mense bang en seer en rou is na aanvalle; waar 37 mense gisteraand in Limpopo en honderde elders aan Covid-19 komplikasies oorlede is; meer as 500 000 mense die gogga reeds had, of het; waar mense snak na hulle asems, tref die boodskap in die skildery my.
Die huis waarvan die venster op die brandende wa uitkyk is jy. Die vrou wat vir jou kyk is jou siel. Sorg dat jou huis, jou binnewêreld heel is en jou siel kalm, maak nie saak wat daar buite aangaan nie. Al brand dit buite, al lê die oes braak.
Dis tog net ‘n oomblik, hier op aarde. Jy bepaal die kwaliteit van jou tyd hier. My happie waarheid op Vrouedag 2020.
Lekkervurigeaffêre 
Waarheid. Toe ek sendeling was, was ek gekonfronteer met geen water, geen toilet geen of min krag… daai basiese behoeftes waarvan jy praat. Ek moes dit leef. As enkel ma van 2 baba dogtertjies en ‘n pa wat sy nuwe gesin moet versorg, verstaan ek van werk dat jou moeg moeg is en nog net net oorleef. En dit saam met die wereld en sy oordeel asof swaar nie swaar genoeg is nie. Dis wanneer jy moet kies om vir jouself goed te wees want ander gaan nie. Jy leer vinnig vergewe en groei en verander sodat jy sterker kan word teen die aanslae en gebrek. Jy leer dankbaar raak vir die min sodat dit wat jy nie het nie, minder belangrik raak. Jy leer daar is net Een Plek waar jy sterkte kan kry.Dan gaan dit goed met jou siel..
LikeLike
Bondels daar vertel jy ook groot Waarheid.
LikeLike
Ek kan nie enigiets van waarde hier byvoeg nie. Jy het dit klaar gesê 🤗
LikeLike
Sê my mater wat my leer om na myself te kyk.💐
LikeLike
Stem saam Hester ❤
LikeLike
Dankie Kameel.💐
LikeLike
Die skildery van Andrea Kowch gee my koue rillings. Wat daardie aanhaling opnoem, is allesbehalwe “very little”.
LikeLike
In the eye and heart of the beholder nè.
LikeLike
Baie mooi Tannie Erna 🖤 Dankie vir die xxx
LikeLike
Hallo! Dankie dat jy kom in loer.
LikeLike
Dankie, diep en ernstig en waar.
LikeLike
Hallo Scrapy! Ek dink ons is geseën as ‘mindfulness’ is wat ons in hierdie vreemde tye aanleer.
LikeLike
Baie waar. Dis of daar n geheel ander aanslag op omstandighede gemaak word. Selfs my binneste het geheel verander. Mooi dag en sterk staan daar.
LikeLike
Liefdegroete mater! Wees jy ook veilig.
LikeLike
Dankie. Daar is n ouetehuis in Christchurch waar inwoners getoets is vir COVID want hul het simptome. Nou wag ons vir uitslag. Hele vloer met inwoners is afgesonder as voorsorg. Hoop regtig dis net griep want dit gaan nie goed wees as daar nou n uitbarsting is nie want dan gaan ons terug in fase 2. Ek weet jy wil dit nie eintlik hoor nie want by julle is dit regtig kommerwekkend sleg met alles.
LikeLike
Jong ons moet mekaar steun al is dit uit verskillende omstandighede. Weet ek dink aan en bid vir jou. 💐💝
LikeLike
Pragtig gestel, Erna. Ons moet sorg dat ons “binnewêreld heel” is. Iets om te onthou.
LikeLike
Absoluut. Dankie vir jou inloer. 💐💝
LikeLike
So reg en waar.
En die gebed vir die pandemie sluit perfek hierby aan. Wonderlik dat jy wyer kyk en skryf as net die mooi-mooi van die oomblik.
LikeLike
Dankie dat jy kom saam gesels. Ek wonder oor so bsie dinge, dis seker die vreemde seisoen oral se effek.
LikeLike