Roes rus sê die wyse mense. Ek het nou genoeg gepieker en getob oor alles, en is lus vir pret.

Ek is mal oor blokraai en speel sommer so terwyl ek raaisels voltooi, storietjies in my kop af met die woorde. Ek snoer dan so storietjies aanmekaar. Julle almal hou mos van uitdagings. Hester het my mooi geleer hoe om dit via Inlinkz sulke pret goed te orden.

So, hier is ek nou. Hoop julle kom speel en kuier saam. Dis nou vir ons klomp tuisblyers. (Vele blogland maats is in Ierland, Skotland, Israel en so.) Terwyl ons nou vir die reën wag, kom klim uit jantuisbly se kar in rusroesland en speel saam ‘seblief!

Woordsnoer uitdaging:

Oom Paul Kruger se verjaardag, rysmiere wat skielik verskyn, die Piet-My-Vrou wat roep, die Bosveld visvanger se tjiep-tjirr, ‘n legio bygelowe gaan saam met die koms van die reën. Dis lekker, sulke vertellinge or bygelowe.

Kom ons relaas oor die stories rondom die koms van die reën en die seën wat dit vir ons bring. Die knoop lê in die gebruik van die volgende woorde in jou reënsnoer:

ontwaak

sfinks

duskant

oproerig

asvaal

astrant

eteries

swembad

gazania

paria

soepele

giet

impi

akwarellis

sege

gewag

arena

glim

eensaamheid

reënbui

Wil jy saam woordsnoer? So maak mens :

Jy kan ‘n enkele woord as inspirasie vonk gebruik of al die woorde – nes jy lus het.

Skryf dan jou blog. Maak seker om die woord (e) in vetdruk (bold) aan te dui in jou skrywe.

Onthou om die skakel hieronder in jou bydrae in te sluit. En moenie vergeet om jou bydrae op Inlinkz te gaan aanhaak nie!

https://fresh.inlinkz.com/p/f64779e6a80c44bfb5baa671f2d5bcdf

Die uitdaging sluit Donderdag 16 Oktober 2109 om 12h00.