Dis beurtkrag vir die tweede keer vandag. Ons muskietkerse brand. Die braaivuur fluks aan die gang.
Ons maak die stoephekkie oop. Dis sterk skemer en ‘n halfmas maan maak ook lig. Die bure naweek, so die brakke kan op die groter werf gaan avontuur.
Rots en ek het oudergewoonte die Scrabble bord oop tussen ons. Motte en goggas offer hulself by die kerse. Daai smag na lig…altyd vir my tragies. Die uiteinde tragies, knetterend.
Die woordstryd is intens, maar ons kom agter ons hondekinders maak ander geluide. Ringo, die voortvarende kom ingehol. Ek dink ek hoor Milo tjank. Skielik besef ek Koda roep McCleod, McCleod.
Ons hol om die sterk flits te gaan kry. Toe ek so oor die gras lig, kom Milo aangehol. Koda besig om ‘n bekwame luislang in sy bek te skud dat die gedierte wapper. Die koudbloedige het nie ‘n kans gestaan nie.
Ons weet nie wat gebeur het nie. Maar kan net spekuleer. Dis Koda se vierde slangvangery.
Ek is jammer oor die luislang wat heen is. Maar, ek is trots op Koda. Hy is mafia oor sy werf, sy mense en sy Schnauzer boeties.
Gee die man ‘n beeno. Ek drink ‘n J&B, met eish.
So ‘n ou staatmaker-beskermer. Is Koda of the clan McCleod? Ek gryp gewoonlik na’n audioboek wanneer die krag afgaan. Gelukkig was ek nog nooit bang vir die donker nie.
LikeLiked by 1 person
Koda is voorwaar McLeod stoffasie. Die donker pla my ook nie, dis net die goete wat rondseil wat pla😉
LikeLiked by 1 person
Pionierslewe!
LikeLike
Net so.😉
LikeLiked by 1 person
Genade! So bly julle is gered! Sê nou die luislang het jou ingesluk!
Intussen het jy seker al weer twintig nuwe woorde uitgedink by daardie scrabble.
LikeLike
Sommige honde is gedugte slangvangers. Dis jammer dit was ‘n luislang, want hulle is skaars.
LikeLike
Ek weet. Voel baie sleg daaroor. Dit kom van donkerwerk…
LikeLiked by 1 person
Was dit ‘n groot een? Ek hoop jy het ‘n foto geneem.
LikeLike
Dit was so net oor meter. Koda het hom so verwoes, ons moes hom van kant maak. Ek het so misdadig gevoel, geen foto🙈
LikeLiked by 1 person
Ag dis nie lekker nie, maar dit het gebeur.
LikeLike
My oë is groot! Ek bly net op die plek lê as daar ń luislang op ons werf rondseil! Soos in die floute lê!
LikeLike
Hoe sê Frannie. Pionierslewe, jy moet eers jou make maak en daarna floute kry….ek beef en rittel elke slag.🤣
LikeLike
Die mens is darem aanpasbaar. Ek is bly jou honde het nie iets oorgekom nie
LikeLiked by 1 person
Jy kan bly wees jou honde is so op en wakker…..die slange lief jou werf! Is ook jammer dit was ‘n luislang, maar Koda weet dat als wat nie pote het nie, ‘n gevaar vir sy mense inhou. Goeie woefie!
LikeLiked by 1 person