
Genade.
Kry vanmore ‘n epos van iemand wat nie lus het om die hele prentjie te sien nie. Ek het maar eers asemgehaal en tien getel, en weer my kant van die saak op skrif gestel. Het ons tot ‘n vergelyk gekom? Nee. Ek is blameer vir mense indoen, blaam verplasing, en die kersie op die koek word die korrespondensie afgesluit met “die wiel draai.”
In my besigheid, as ek aan neuk en nie aan my kliënte se behoeftes en versoeke voldoen nie, stap hulle met hulle rande by die voordeur uit en al wat jy sal sien is hoe my onderneming se bloed in die pad afloop. Morsdood. Weg. Poegaai. Oor en uit.
Ek was baie lus om die jongman ‘n antwoord te stuur, maar mens, ek is al lank in die land. Hy ken my nie werklik nie, en sy “die wiel draai” moet maar daar bly, sy laaste sê.
Die wiel draai weliswaar vir ons almal. Ek kan maar net hoop dat dit vir almal insink dat as die wiel dan nou moet draai, dan is een soms onder, ‘n ander bo. Dis maar so.
Dis ‘n jong mens en die brief is deurspek met spel en taalfoute en as ek so kyk, skaamkwaad. Maar dis nie die saak nie. As jy belowe om iets te doen, dan doen jy dit. As jy diens lewer, dan lewer jy diens. Jou kliënt die persoon wat jou binne die ooreenkoms lei. Of is ek nou ou-wêrelds?
The Wheel has turned, for better or worse.
And it will keep on turning,
As lights die and forests dim,
Storms call and skies break.
Turn it will.
The Wheel is not hope,
And the Wheel does not care,
The Wheel simply is.
But so long as it turns,
Folk may hope, folk may care.For with light that fades, another will eventually grow,
And each storm that rages must eventually die.
As long as the Wheel turns. As long as it turns…
Doreille Torghin, ‘n karakter in Robert Jordan se epiese reeks The Wheel of Time.
O, ja, van goete wat draai gepraat. Al hou ‘n horlosie se wiele op draai – selfs in sy stukkendheid, is hy een keer bedags reg. Sela.
Vuurtjie, jou integriteit maak dat jy reg optree en daarom kan jy weg stap van so persoon se woorde. Beslis is hy skaamkwaad, dalk meer vir homself as vir jou. Nou gooi hy maar dit na jou kant toe dodat hyself moet beter voel.
As mens weet jy is reg hoef jy nie aan te hou verduidelik nie veral as die ander een nie wil hoor of bes gee nie. Soos jy sê, sela!
LikeLiked by 1 person
🤗
LikeLike
Ek hou baie van die laaste sin…al hou die horlosie se wiele op met draai, is hy een keer per dag reg. Ek is jammer jy moes dit nou ervaar… maar ek glo jy het dit reg hanteer en ja, op die einde van die dag draai die wiel, die windpompwiel draai reën uit…
LikeLiked by 1 person
Ek verdwaas met hoeveel diensverskaffers bloot net nie aan besigheid belangstel nie. Nie net verwag hulle dat jy ‘n plaas se prys moet betaal nie, maar ook agteroor moet buig om hulle tegemoet te kom. Is dit dalk ‘n geval van te min kompetisie?
LikeLiked by 1 person
Nee, ek dink dis omset en geld wat beginsels en diens by die deur laat uitwaai, en omdat verbruikers nie terugbaklei nie.
LikeLike
Nou gaan ek skerp probeer wees…dankie tog die horlosie werk nie met Eskom krag nie, maar met ñ battery. Die Battery van Die Lewe.
LikeLiked by 1 person
Amen, en amen daarop!
LikeLiked by 1 person
Ek hou van daardie horlosie wat tog eenmaal ‘n dag reg is!
LikeLiked by 1 person
Ek weet ook nie meer van besigheidsetiek nie. Dis goed dat jy my herinner aan die wiel wat draai – ek gaan weer bo uitkom, yay!!!
LikeLiked by 1 person
What goes down, must come up. Daar is net soms nog ‘n kelder ook. Dan moet mens net vasstaan en darem los ons Pa ons nie alleen nie.
LikeLiked by 1 person