Ag,hemel. Die arme bye. Daar is nie bloeisels vir heuning nie. Nou bevlieg hulle maar uit nood die voëltjiekos.
Die suikerbekkie bevolking van ons tuin, veg hier waar ek sit en skryf om die suikerwater wat ek uitsit, te drink. Saam met hulle ook die glasogies en besige goudgeel wewers wat by die swembad in die palms nes moet bou. Die son is sonder genade. Die honde lusteloos van die hitte.
Die grasperk is branddroog, die agapante kry nie hulle lanse opgestoot nie. Hier en daar ‘n flou pers kroon wat vooroorgebuig staan. Amper skaam lyk hulle oor die skamele lof wat hulle blom.
Dis ‘n ander jaar die. 2018. Ons wroeg, die land is deurmekaar, besigheid is stil. Tot die ontvanger is suinig om dit wat ons toekom te oorhandig. Bose kringlope.
Asof al hierdie dinge nie genoeg is nie, kom my Eli vanoggend by die tuinhekkie ingestap.
Kop vooroor gebuig. Sommer aan die lyftaal besef ek daar is iets fout. Sy was ‘n week weg, kliniek toe, toetse. Haar vriendin het my laat weet sy sal eers vandag terugkeer.
Sy kom groet nie. Ek stap maar uit. Sy kom na my aangestap. Trane in haar oë. Al wat sy fluister is HIV.
Ons val in mekaar se arms en huil. Huil oor dit nie regverdig is dat die vrou wat soveel opoffer vir haar kinders, wat getrou aan ‘n man was soiets moet oorkom nie.
“Moet ek loop,” vra sy my?
“Wat jy waar kry. Ons loop saam ek en jy.”
Sy kyk my in ongeloof aan.
Ons gaan sit en praat die saak mooi uit. Hoe keer ek nou my rug op haar wat al soveel jare my lewe, my huis vir my bedryf sodat ek ekonomie kan pleeg? My vriendin, my vertroueling. Nee, hierdie harde pad sal ons twee enduit loop.
Ons bid vir genade, Heer. Genade vir haar om die gevolge te kan hanteer. Genade om een dag op ‘n slag aan te pak. Dankie dat ons mekaar het om swaar en bang saam aan te pak.
Ons bid vir genade vir Eli, vir ons almal, die bye en die voëltjies en die dorre aarde ook.
Amen. Ek kan nie help as om saam te bid nie, selfs al lyk dit hier darem beter wat die reën aanbetref.
Het die bye nie ook al die suikerwater ontdek nie?
LikeLiked by 1 person
Nee, dis aan die andekant van die huis…sal maar wag en kyk, want dit sal chaos afgee.
LikeLike
Aai. Sterkte vir die bye, plante en voëls, en vir Eli en vir jou.
LikeLike
Dis ‘n opdraand dag gewees.
LikeLiked by 1 person
🌹
LikeLike
AI hoe loop my oge nou oor…el bid saam
LikeLiked by 2 people
💗
LikeLike
Ag nee. Ek huil sommer oor Eli. Die lewe is soms so wreed..
LikeLiked by 2 people
Ai toggie aitoggieaitoggie
LikeLike
Die droogte tref ons ook hier langs die dam, en die hitte is uitputtend. Sjoe, Lekkervurig, die arme bye.
Ek het ń Anna gehad saam met wie ek die pad tot op die einde gestap het, twee jaar lank. Dit vat aan jou siel en gees om iemand so te sien wegraak, sterkte.
LikeLiked by 2 people
Dankie Una.
LikeLike
Ons tuinman is al tien jaar op medikasie. Ons het die pad met hom gestap van die begin af en dit werk wonderlik. Sy kan ‘n heeltemal normale lewe ly.Sterkte en mag ons vinnig reën kry!
LikeLike
Dankie. Ons besef sy kan goed leef. Dis net kwaad. Dankie en groete.🤗
LikeLiked by 1 person
Ja mens raak woedend, want wie het haar besmet? Gelukkig het sy vir julle wat haar nie verwerp nie. Mens kry baie sulke eng mense wat onmiddellik die persoon afdank.
LikeLiked by 1 person
2018 ‘n swaar jaar!!! Jy laat my vanoggend weemoedig voel. Sterkte vir pad vorentoe.
LikeLiked by 1 person
Vanoggend skyn die son weer en dis ‘n nuwe dag. Gister se onthutsing en ontsteltenis by ons Hree se voete neergesit, want ek kan niks daaraan verander nie. Nuwe dag, nuwe moontlikhede in die swaar jaar! Groetnis.
LikeLiked by 1 person
Amen. One day at a time Lord Jesus!!!
LikeLiked by 1 person
Die El van Eli beteken God. Mag die God van genade en vertroosting en nie-menslike logika haar en julle aan die hand kom vat. Christus het gekom vir die wat ‘n dokter nodig het.
LikeLiked by 1 person
Dis net waar ons berusting kry. Dankie Abrie.
LikeLiked by 1 person
💕
LikeLike
😭❤
LikeLike