busDeur die land reis ‘n giggelgroenbus

Op die bus is weinig rus

Die mense op die bus

Is vir ontsnapping lus

Niks gaan hulle gees blus

 

Veertien vroue saamgebind

Mekaar in Blogland gevind

Mense staar hulle blind

Dink net onsinnigheid is hier te vind

 

O nee, skatryk belewenis is die verbeeldingtoer

Bekkigheid en lekker lag saamgesnoer

Soos wat die Towerinne toer

Jy, liewe leser, kan gerus kom loer

 

Verder kan ek nie in vaste vorm rym

Ontmoet die towerinne:

Hester (Sintester), leier en breinbreier

Una Bali, ons groot omgee maat en reisiger van formaat

Scrapy, ons  ver-vriendin, ouma van formaat, skeppende siel

Kameel, ons lesende maat met baie talente veral as Camilla ons harte steel

Toortsie, warrelwindbesige banter, singer, skrywer en eintlik alles

Perdebytjie wat mooi met haar kameralens zoem en lief is vir die natuur

Tannie Frannie mooi en vol grasie, lief vir boeke en broodjies met spasie

 

Positief met haar minoraskerpte het ons almal baie lief

VirgoC, doen graag voluit en laggend mee al die pad van oorsee

Seegogga van min maar skerp woorde, verras ons uit alle oorde

Bondels vol mooi en pretgedagtes en ook nuut op ons (bus) boot

Trommeltjies  ons stil vriendin, maar maak net eers daai kissie oop

Woordnoot, sprak nie vir haar man ‘n woord van haar reis en wat sy ons laat beleef nie

En ekke, as Lekkervurig hier begin, nou  klaar gedig en vuurvliegie flou.

towerinne

NS. O, ja ook moet ons paar manne onthou, hulle kommentare maak ons reis minder flou. Dankie Abrie, en  Lewies.

Na-NS. Ek sit vanoggend hier, en ons klomp kekkel oral in kommentare rond. Ek verbeel my dat die wêreld ons hoor lag – uit die Suid-Kaap, KZN, Gauteng, Limpopo, Noordwes, Abu-Dabi en Nieuseeland. My gesin wil my in die gekkehuis inbespreek. My lewe is ryk danksy julle!

Na-na NS. Kom reis saam. Die towerinne se virtuele toer kan hier gelees word:  http://www.inlinkz.com/new/view.php?id=797928