Van kleintyd het my ouers my en Swartjie bederf met comics – Dennis the Menace, Casper, Huey, Archie, Sylvester en Tweety, en ook Classics – so het ek van Shakespear en ander klassieke werke geleer. (Ek wil nog daaroor skrywe, nie nou nie)
Op hoërskool was dit tweede natuur om na die ingevoerde tydskrif rak in die skryfbehoeftewinkel op Barberton te loop en te blaai. Metterwyl is comics verruil vir tienertydkskrifte: Jackie, Poswop, Pink en Fabulous. Nuwes is by die toonbank vir my gebêre.
Ag jinne, eers was dit Donny Osmond. Toe David Cassidy – plakboeke vol het ek gemaak van die gevreetjie. David Essex, die Bay City Rollers en Slade met hulle platformskoene, pullovertjies, uitklokbroeke en lang hare. My pa het dikwels die koors wou kry en geterg, maar nooit my tienergedrag bespot of kleineer nie. My laat begaan. Ag ek het lirieke van liedjies wat ons hier in Suid-Afrika gehoor het nie, geken en ook al die sterre se stories geweet.
Toe kom Marc Bolan, David Bowie, Queen en Roxy Music. My tienerhart. Bryan Ferry is my hartklop van toe af. Ek weet, hy het ‘n ou oliekuifie en muisgevreetjie, maar o, daai stem en lyf en hande wat so een met die musiek word. Ek treiter Rots gereeld as hy te veel pruim oor sy Dubbel-D gunsteling, Sarah Theron, dat ek hom sal inruil vir Bryan Ferry!
Ek word oujaarsdag 2018, 60. Verlede week kom Rots so ewe en vra of ek weet wie kom na Suid-Afrika vroeg in Februarie 2019. Hoe sal ek nou weet, die Pous? Prins Harry en Meghan? “Nee, raai nog. Jou hart gaan dit nie hou nie,” hou hy aan terg.
Wel, ek gil soos ‘n tiener toe ek uitvind dis Bryan Ferry – my crush sedert 1972 toe ek hom ‘Virginia Plain’ saam met Roxy Music op LM Radio hoor sing het. Daai stem, daai saxofoon. Ek terg Rots en sê ek wil net die konsert bywoon – dis al present wat ek vir my mylpaalverjaardag wil hê.
Vanoggend vroeg is Rots op die tablet en raai, op 16 Februarie 2019 het ek en hy date night. In Menlyn. Ons sit DV in blok A, voor die verhoog as Bryan Ferry kom konsert hou. ‘n hele 90 minute, en ek sal die wit van sy oë kan sien. En nee, moenie kommer nie, ek sal nie my buustelyfie of Bridget Jones op die verhoog gooi nie, ek gaan wel vir hom waai en ‘n soentjie blaas.
Dis lekker om na iets uit te sien! Dit maak op vir al die verjaaardae sonder makietie, met kersfeeskoek en halfmaswense wat tot middernag uitgestel word om sommer gelukkige Nuwejaar ook te hoor!
My groot persent kaartjies is reeds uitgedruk en saam met oornag in die grênd hotel reeds betaal in ‘n koevert in die kluis.
Wie se oud word is nie lekker nie. En ja, dis goed om geduldig te wag, wense word oor tyd waar. My emmerskoplysie groei mooi. Die ander goed op die lys – dis nie vir die grootklok nie….hierdie wat volg is met regmerkies op die lys.
Besit sonder die bank se inset ‘n Karoohuisie
Besoek Ulurhu, raak aan daai stuk oerklip
Ontmoet Imran Khan – toe hy nog krieket gespeel het
Bryan Ferry in konsert -hy kan nog, kyk:
Wat ń heerlike geskenk om te kry! Ek doen sommer ń paar passies van opgewondenheid saam met jou.💃💃💃
LikeLiked by 1 person
Dit klink awesome en wat ‘n stunning ding dat Rots dit raaksien en doen. Hy het so stunning stem. Hoop jy kyk na meer as die wit van sy oë hoor😉. Gaan jy darem lekker party vir die groot birthday💃💃💃
LikeLiked by 1 person
31 Desember is mense te besig met hulle eie partiekies, so my verjaardag was nog nooit partiekierig nie. Dis die dat Rots se persent so moerse grênd vir my is!
LikeLike
Ek kan dink, ons het Kersfees “baba” in ons familie en hy kry dieslefde. Altyd vir my gesê toe hy klein is hy kort 2 persente, 1 vir hom en 1 vir Liewe Jesus😘😁. Ek dink Rots is moer cool met sy persent en die jaar gaan jy groot!
LikeLiked by 1 person
Lekkervurig bly om te hoor Rots het so stunning stem 🙂
LikeLike
Wow, kudus vir Rots; dis nou sommer ‘n lekker bederfie.
LikeLiked by 1 person
Wow enjoy. Ek word 29 September 60.
LikeLike
🤗💐
LikeLike
Dis nou ‘n lekker bederf! Vir eens gaan jy nou die middelpunt van bederf wees en nie al die ander goed soos oujaar en nuwejaar nie.
LikeLiked by 1 person
Moet eerlik wees, dit gaan met albei hande aangegryp word!
LikeLiked by 1 person
Ag dis lekker! Dis amper so onverwags, wat dit net nóg lekkerder maak. Ek is bly vir jou!
LikeLiked by 1 person
Lekker lekker lekker. Jy gaan dit geniet, ek weet sommer. Rots is sommer baie oulik
LikeLiked by 1 person
Jong, hy is oulik, maar vanoggend wil ek weer hom met messe deurboor, ek was ‘n week nie by die winkel nie – vanjaar se griep het in ‘n liederlikheid ontaard. My Maandag ekstra erg omdat my vennoot-liefie frieken veeleisend is. Hy sê so ewe netnou vir my of ek reken ons gaan 16 Februarie 2019 haal! 😉
LikeLike
Is mos so, partykeer wil jy hulle opvreet van liefde, ander kere is jy spyt jy het nie. Sterkte daar, hoop die griep is oor
LikeLiked by 1 person
As volwassenes, groot groot mense sien mens te min uit na dinge. Geniet dit
LikeLiked by 1 person
DV
LikeLike
Wraggies… nou het ek vir Oom Bobby D laat rus om jou Brian te luister!!
Net so by the way… by voorbaat Happy Happy! Jy beat my met ‘n paar maande… jy sal lekker terug droom oor die konsert wanneer my groot ses-nul verby draf!
So… ons is boesim maatjies… saam met die musiek saam!
Ek belowe… ek sal vir jou op ‘n kol ‘n BF “Tuesday Tunes” doen! Promise!! 😉
LikeLike
Dankie, jy is gaaf. Ek sal wag vir my persent….nog nooit musiekprogram net vir my gehad nie. Sien kinderlik uit daarna.🤗
LikeLiked by 1 person
Nou wonder ek sterk…
LikeLike
Nee man, jou Tuesdayvtunes is vir my soos ‘n lekker luister program, so as jy BF doen, gaan dit vir my soos ‘n persent wees….😉
LikeLiked by 1 person
Ek sal my bes probeer om nie teleur te stel nie!! 😉
LikeLike