Vrydagaand, voor die reën

Ons sit op die stoep. Iemand het vergeet om iemand te laat weet Augustus is verby. Die wind het vandag die waks uit ons gewaai. Ons hoor daar by ons Camdeboo was Lootsbergpas weer toegesneeu.

Rots bou sy Vrydagvuur. Dit blits en grom so saam met die wind. Wat maak Rots? Hy gooi nog hout op die vuur. Hy hou van uitdagings en roetine. Altyd interessante gevolge. Die honde is effe verward, daai gegrom is vreemd.

Op die iPod sing Elvis Blue ‘Clowns’. Ek vertel vir Bab die was haar oupa Erin se gunsteling liedjie

Bo die ruik van die vleis op die kole en bo die jasmyn se ruik en bo die wind hoor ek my pa se stem, ruik sy Old Spice en Vitalis haarolie. Ek onthou die arbeid het hom Makam genoem, staalkammetjie in sy kous, om sy baie reguit kroontjie kuif net so skuins te hou. Hy het ook ongeag sy braai gehou, wind en weer, geen keer.

Hoe werk die onthou….hy is al amper 42 jaar ver weg. Hoe is jy byna sestig en onthou so fel jou kindwees? Die onthou so werklik?

Daar val druppels op die leiklip….Rots is bly. Gaan haal sy rondomhoed om sy gehoorstukke uit die reën wat kom, te hou. Hy en my pa sou onhebbelik saam gewees het.

My ma se troupersent bakkie circa 1957 wag geduldig om die vleisoffer te ontvang.

Elvis Blue sing ‘Waboomblaar….arm was ek gister, en nou is ek ryk, nou skatryk…..’

Kom reën, kom.

16 thoughts on “Vrydagaand, voor die reën

  1. Dit klink heerlik. Hier reën dit ook en ek bly in die huis – moet ook my ore uit die wind hou. Ek was vanoggend 6-uur op om die Park Run te gaan doen, maar een kyk na buite en beide die kat en ek het stilletjies teruggesluip in die bed in.

    Like

Lewer kommentaar

Please log in using one of these methods to post your comment:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.