Ons bloggeterg oor my tuisstad, Polokwane, wat na die groot polonieskrik sommer Poloniekwane geword het, herinner dit my aan die feit dat etlike inwoners van Polokwane al meer as vyf keer van adres verander het, sonder om ‘n stukkie ornament in koerantpapier toe te draai.
Kom ons tree terug. Net so onder die Zimbabwegrens, omarm deur die Limpoporivier het die Transvaal Provinsie van Suid-Afrika vir jare tevrede gerus. Die Transvaal was een van vier provinsies en was self in vier streke verdeel. Die noordelike deel was Noord-Transvaal, maar ons naby die Zimbabwe grens was bekend as Verrenoord-Transvaal. Pietersburg die hoofdorp van die streek. Stadstatus is 1992 toegeken.
Net na ons in slingerrye gestaan het vir die Nuwe Suid-Afrika, het die streek vinnig uit die naamveranderingblokke gespring. Voor in die koor.
So gaan slaap ons nog in Verrenoord-Transvaal, en wraggies, die volgende dag bly ons in Pietersburg, Noordelike Provinsie! Die status quo word gehandhaaf tot in 2002 en daar gaan slaap ons weer en word wakker in Pietersburg, Limpopo.
Dit het gou duidelik geword dat ons streek se dorpe met Afrikaanse oorsprong, nie vir lank so sou bly nie. Sien ons Limpopo provinsie is oorwegend etnies swart (bykans 98% van die bevloking is mense van Sepdedi, Venda en Tsonga herkoms) Hier word vyf van die land se elf tale aangetref. Oorvloed aan een kleur maak ons kultuurryk. Ons hier van Limpopo.
So gaan ons rustig slaap en wraggies, oornag verhuis on van Pietersburg na Polokwane (Sepedi: Plek van veiligheid.) Polokwane, Limpopo.
Nou hierdie vreemde nuwe landskap strek oor 400km van oos na wes en 300km van noord na suid. Lyk op die kaart vreeslik na ‘n olifant.
Om by Polokwane uit te kom sal jy vanaf Pretoria/Tswane noord reis op die N1. Wel, jy kan ook vanaf Kaapstad of Bloemfontein die rit begn – bly net op die N1.
Reis so uur te Legend of enige viertrek motor want Minister Pothole Slaggate (Spreek uit Pot-ho-lê Slag-ga-te) is in beheer van paaie. Reis verby Bela-bela, Modimolle, Mookgophong en Mokopane. So veertig minute se reis na Mokopane sal jy in Polokwane arriveer. (As dit woes klink, hier beduie ek polities inkorrek: ry noord op die N1 verby Warmbad, Nylstroom, Naboomspruit en Potgietersrus tot jy in Pietersburg aankom.)
Polokwane roem op twee polities inssiggewende gebeure. Dit is waar die ANC vir Thabo Mbeki die pad gewys het en ons ge-Zumafiseer het. Askies, dis seker iets in die water hier by ons. Dis baie brak.
Polokwane is ook die geboortedorp van Julius Malema. Ons is so jammer. Rerig.
Oja, en ons Sokker 2010 witolifant is na ‘Kill the Boer, kill the farmer’ Peter Mokaba vernoem. Mag niks hieroor sê nie.
Behalwe die lastige stukkies geskiedenis, is die oorsprong van listeriose (slegte poloniesiekte wat mense dood laat gaan het), hier by ons Enterprise fabriek gevind. So ons het vroeër vanjaar weer dood rustig na ‘n polonietoebie gaan slaap, en die volgende oggend bly ons in Poloniekwane.
O, en voor ek vergeet Abrie wou dat ek hierdie relaas “Ons trek want die naamgewers is getrek” noem. Hehe!
Getrek, nee man, skoon simpel en almal kry ‘n -F vir begrotings wat nimmer klop en politieks bo dienslewering! Hulle faal klaaglik! Die riool loop hier in onse strate, mense by onse hospitale word ‘n hele dag evalueer of hulle ‘n noodgeval is of nie.
Ag ek wil nie kla nie. Gaan maar liewer ‘n teetjie teug en ‘n gemmerkoekie eet. Die poloniefabriek is steeds toe en Eskort se polonieskyfies is gans te dun.
Groetnis.
ja
LikeLike
Sorry, my vorige kommentaar het neg weggeraak, dis hoekom ek die “ja” ingevoeg het – testing, testing, testing. Is ek dalk in jou spambox?
LikeLike
Nee nooit Hester!
LikeLiked by 1 person
Soms wil dinge net nie werk nie. Ek wou sê ek het die skrywe geniet en lekker gelag ook. Dis eintlik ‘n goeie stukkie geskiedenis. Ek was nog nooit in Limpopo nie – wou nog altyd Warmbad besoek, maar nou ja.
LikeLiked by 1 person
Soek Bela-Bela hoor, Warmbad se baddens bly nou daar!
LikeLiked by 1 person
Haha. Ek is so bly ons het van die begin af die “regte” name hier gehad. Niks veranderings wat my kop deurmekaarkrap en ‘n onnodige klomp geld kos nie.
LikeLiked by 1 person
Hul wil mos my dorp se naam verander, oor daai meisiekind wat laataand in ‘n plek alleen gekuier het en toe verkrag is. Oor ons dorp sulke goed laat gebeur. Nou ja …
LikeLiked by 1 person
Die dorp “laat” sulke goed gebeur? Nou’t ek alles gehoor.
LikeLiked by 1 person
Ja ons kyk nie na ons jongmense nie, sê hulle.
LikeLiked by 1 person
“Hulle” het vergeet hoe dit was om jonk en onverganklik te wees, moeilik om in toom te hou. Wat doen “hulle” in “hulle” dorpe?
LikeLiked by 1 person
Hulle hou sekerlik wag oor hulle jongmeisies in die aand, hoop ek!
LikeLiked by 1 person
Ek wonder of dit sal help om wag te hou – jong meisies is soos palings. Dalk moet jongmeisies geleer word van die gevare en die verkragters moet geleer word van onaanvaarbare gedrag.
LikeLiked by 1 person
Was al in Warmbad maar sal Bela-Bela op kaart moet soek. Dit is was regtig oulike skrywe. Ek hoor Polokwane se hoof toersiste aantreklikheid is sy Lekker vurige kaggels en verwarmers. Dit hou die ekonomie aan die gang nou dat julle in Polonikwane bly!
LikeLike
Abrie, Abrie, daai storie is nie waar nie, ek kan nie eers my eie bankrekening aan die gang hou nie. Die hoof-toeristeaantreklikheid word hier tenderpreneur gespel – waarborg luukse motors, massiewe wonings, ontwerperklere en bywoning van dieParlement en die Durban July!
LikeLike
Issie. Ek het Sonderpoloniekwale se toerismeburo gebêl. Hulle sê die afwesige polonie maak nie saak nie want wie wil nou polonie braai op Lekkervurig se este en braaie.
LikeLiked by 1 person
Grapjas. Groete
LikeLike
Joe! ‘n Behoorlike mondvol! Ek wou nou iets sê oor iemand wie se naam ek nie wil noem nie, maar laat ek eerder my groot mond styf toe hou.
LikeLiked by 1 person
Jy skryf so oulik! Ek is seker jy het het op skool altyd die beste punte vir jou opstelle gekry! Jy het die geskiedenis op ‘n besonder vernuftige manier vasgevang.
LikeLike
Hierdie was besonder oulik, julle klomp (jy en Abrie) is hopeloos te skerp
LikeLike
Baie oulik geskryf. Gee mens ietsi om oor te dink. 🤔
LikeLike
Dit nou geniet. Oor Polokwane sal ek stilbly…maar mapstieks ‘n mens hoef nie vêr te ry na ‘n sprokiesmooi wêreld toe nie.
LikeLike
Oor die berg is mooie Haenertsburg en Tzaneen. En dan Noord die kremetart staninge om Musina, en dan die Willetuin van Oom Paul, maar ja, oor Poloniekwane kan mens net verskoning vra…🙈
LikeLiked by 1 person
My sus en swaer het daar in Koraal Aftreeoord gebly. Partykeer vir weke op slag vir haar gaan kuier. Haar dogter gee skool by Eagles Nest…ook vir lang tye by haar gaan kuier. Hulle het my die mooiste plekke gaan wys.
LikeLiked by 1 person
Puik skool. Ek kry Koraal se mense jammer op vakansiedae as daar makieties by die stadions is….
LikeLiked by 1 person