Statistiek. Jy het ‘n kans om iets oor te kom. ‘n Motorkaping, huisbraak, ‘n ingroeitoonnael, gemoedsbekakking, egskeiding, etikettering, kompartementalisering, en so aan en so aan.
Ek disrespekteer niemand. Doelbewus. Die werklose, die ryke, die geleerde, die andermens wat voor my staan. There for the grace of God….
Meelewing, die anderkant van die spieël is iets wat deel van my elke dag is. Doen wat jy kan met wat jy het. Plaas jou in die ander ou se skoene.
Vandag, so effe voor my sestigste bestaansjaar word ek deel van die politieke, rasgedrewe narratief aan die seëvier in ons land. Dankie Bell Pottinger en die Guptas. Niemand laat my fisiese bloei nie, daar was geen geweer teen my kop nie. Maar ek was daar saam met die verfoeides, die vernederdes, die veragtes.
Die banneling, die gevangene, die Jood met sy ster op sy mou.
‘n Stortvloed van woorde uit ‘n ongelukkige, nuwe bevoorregte vrou se mond het my naak gelaat.
“You rubbish, you racist.”
Ongevraag spoel die woorde soos sout op oop seer. My denke verstar. My woorde Goddank op.
Jy ken my nie, en ek hie vir jou nie.
Ek bid vir jou seer en jou woede. Ek hoop jy voel beter. Ons sal more weer praat.
Vanaand sal ek slaap en vir jou en al die mense van ons seer land en myself bid.
My hart bloei ook vir ons land. Raad het mens nie
LikeLike
Dis goor, ek weet. Maar het jy al dié video gekyk (jammer vir die skakel na my blog; ek is te tegnologies behoeftig om die direkte skakel hier te plak):
https://strooimeisie.wordpress.com/2017/06/16/people-are-like-garbage-trucks/
LikeLiked by 1 person
So ‘n stunning statement die. So bly jy het so mooi reaksie op dit gehad🌻
LikeLiked by 1 person
Ek is ook jammer dat so iets oor jou pad gekom het, Lekkervurig. Ek kan my indink hoe sulke woorde ń gees soos joune moes gooi.
LikeLike
Dat dit jou geraak het, dat jy kon hoor sonder om terug te kap, dat jy nog steeds bid vir hierdie mens en ander soos sy, dit is wat jou ‘n ware Christen maak. Mooi so
LikeLiked by 1 person
Sjoe….dis eina verby veral as dit na iemand toegeslinger word wat nie so is nie…..
LikeLike
Erg ironies, dat jy die laaste een is wat soiets verdien!
LikeLike
Jong verdienste en groei blyk naby mekaar te wees….
LikeLiked by 1 person
Ongelukkig is dit altyd onskuldiges wat moet ly onder sulke aanvalle. Ek haal my hoed af vir jou dat jy so opgetree het. Daar is soveel in hierdie spreekwoord:”‘n sagte woord keer die grimmigheid weg”, dat ek wens mense wil dit meer ter harte neem.
LikeLiked by 1 person
Die “like” is vir jou reaksie op dié woorde.
LikeLike
Ai lekkervurig dit is moeilik. As kinders van die Here moet onns meer en meer na Christus se woorde luister “Dit sê Ek vir julle, sodat julle vrede kan vind in My. In die wêreld sal julle dit moeilik hê; maar hou moed: Ek het die wêreld klaar oorwin.”
LikeLiked by 2 people