My sussie deel vanoggend 39 foto’s van ‘n Vuisboekblad wat sy volg en sy post: “Sometimes it’s good to know where one is standing…”
Foto’s van mense wat hulle moderne hedendagse gang gaan – die man en sy hond, die ma en kind op die strand, die man wat die stoute winkel instap, se kiekies is met foto’s van dieselfde plek uit die voorjare en oorlogjare gekombineer.
Daar waar die man met sy hond rustig loop en die natuur geniet, daar het vreesbevange mense in die Zeppelin grusaam dood gebrand. Op die strand waar die ma en haar kind speel, het derduisende manne hulle dood in wêreldoorloë tegemoet gedraf. Op dieselfde hoek waar die man die sekswinkel binnestap, het iemand jare gelede ‘n boek kom koop.
Die effek is fassinerend en tegelyk onthutsend. Kan jy jou indink as die spore van diegene wat voor jou in ‘n ruimte geleef het onuitwisbaar bly bestaan, soos ‘n weërkaasting of spieël? As jy kan sien wat voor jou in die ruimte afgespeel het?
Dink net as ons die eerste mense se voetspore, Abraham se altaar, Jesus aan die Kruis, die uitstorting van die Heilige gees en die wêreld wat ons voorafgegaan het soo in foto’s kon sien.
Ek glo in my hart ons sou ‘n bedagsame, meer sorgsaam met mekaar en die natuur om gegaan het.
Ons leef egter in ‘n onnadenkende, harde wêreld en die moderne mens is arrogant, met geen gedagte aan wat ons bestaan vooruitgegaan en moontlik gemaak het nie.
Ek kry saam met Rots en Bab ook so ‘n foto in die Bybel. Ons is almal familie – deur eeue heen danksy Jesus – Sy liefde is oral in ons verlede, hede en toekoms te bespeur. Sy handewerk is immers die spasies wat ons beset, oral waar ons gaan.
Dit is goed om te weet waar jy staan. Trap saggies, jy loop op ander se skouers en geskiedenis.
Wat ñ wonderlike opskrif, en dan die fotos daarby. Jy het my dag gemaak met jou post, en baie gegee om oor te dink.
LikeLiked by 1 person
Dankie vir jou gereelde inloer, liewe Una.
LikeLiked by 1 person
Ek het jou ampertjies nou-nou direk probeer kontak! Hierdie stil tye maak my benoud. So bly jy het kom skryf.
LikeLike
Jy mag my maar enige tyd direk kontak, Ek is ‘n goeie langafstandmaat! Ek sit in die winkel op die stilste Vrydagmiddag in ‘n lang tyd. Ons dae is lank en hard op die oomblik. Maar mens kla nie as die kaggels by die voordeur uitloop nie. Lekker naweek.
LikeLiked by 1 person
Dis julle skep-tyd, heerlik.xxx
LikeLike
Die foto’s laat mens diep dink.
LikeLiked by 1 person
Spesiale voorbeelde. So jy en una sit akbei smiddae in die winkek en wag vir kliente? So het ek ook eens in ons restourant gesit. Sterkte daarmee.
LikeLiked by 1 person
Jy het dit so mooi gestel. Food for thought!!!
LikeLiked by 1 person
Wowwwww
LikeLiked by 2 people
Hou van hierdie konsep en duer daardie verse is ek al diep geraak. Daardie 2 verse bring die ou en nuwe testament bymekaar as ‘n eenheid.
LikeLiked by 1 person