Ek Laaik 2

In in wêreld vol vulkaniese uitbarstings, selfmoordbomme, skoolskieters, moorde, transitorowe, wetteloosheid en hatigheid, is dit maklik om in sak en as te gaan sit. Ek is besig om ‘n boek getiteld “Factfulness” te lees, nee wag, eerder op te swot, want ek wil doelbewus my siening en kewensuitkyk verander. Doelbewus myself in my geloof in God en ‘n ewige lewe setel en met ‘n feitlike lewensbeskouing my pad verder stap. Meer daaroor anderdag.

In die gees van vernuwing, skop ek af met my tweede ‘Ek laaik’ blog inskrywing. Dit het heeltemal te lanklaas gebeur.

My groot laaik vir die maand dusver is die verlowing van Chris Chameleon en Daniella Deysel. Ek is gek na die twee en was kinderlik verheug oor die nuus. Hulle liefhê is tasbaar, en mooi. Ek sal altyd onthou hoe ek die liefhê kon sien verlede jaar by Innibos.

Gaan koekeloer hulle aankondiging

My tweede laaik is Marita van der Vyver wat 60 op die neus slaan. Lees self wat sy te sê het: “Daarom gaan ek nou soos ’n nuweling by ’n Alkoholiste Anoniem-vergadering opstaan en in die openbaar verklaar: “My naam is Marita en ek is 60.” –Marita van der Vyver in Terugblik op 60: Wat wou ek hê

En dan, Harry en Meghan se troue. Ek sit saam met my Bab en Mieliekind gehoed en sjerrie in die teekoppie en troue kyk. So lekker dat ons na ‘n sprokie kan kyk. Dat ons die wêreld kan stop en sommer net laf wees en bly wees saam met The Duke and Duchess of Sussex. Kudos vir hulle om sewe welsynsorganisasies aan te wys vir skenkings pleks van trougeskenke vir hulself. Bravo!

Meghan Markle Prince Harry

19 thoughts on “Ek Laaik 2

  1. Ook nou bietjie na die troue gekyk. Ons as mense hou so van sulke verhale van liefde. Al weet ons dis nie hoe die lewe altyd loop nie, is dit heerlik om op te gaan in daardie pragtige sprokie.Wonder wat Diana vandag sou sê oor haar nuwe skoondogter? Tog jammer haar sprokie moes so tragies eindig.

    Liked by 1 person

  2. Ek het ook die Amerikaanse invloed geweldig geniet. Daar was selfs ‘n klomp stywelip Ingilse wat nie kon help om te glimlag nie. Die Abbey gaan nooit weer dieselfde wees nie. Nou daardie hoed van die Chameleon-mannetjie – sê die idioom dan nie dat as as die hoed teruggegooi word, is die man nie welkom nie?

    Liked by 1 person

    • Hester, ek het gaan oplees. Om hoed in te gooi – om oor te gee; Om hoed agterna te gooi – om tevrede te wees. As ek die tweetjies so kyk wat al sedert 2013 saam is, dink ek dis in albei gevalle waar vir hulle en tipies van hulle aweregse benadering.

      Like

      • Ek het nie juis sy loopbaan gevolg nie. Ek moet eerlik erken ek is baie laks wanneer dit by Afrikaanse musiek, teater, boeke en TV-reekse kom. Daar was net te veel strooi (“low budget” goed soos my kinders sê) wat al oor my pad gekom het. Ek het in onlangse jare weer Afrikaanse musiek ontdek toe my oudste seun daarna begin luister het, maar jirretjie tog – Fokof Polisiekar, Jack Parrow, Die Antwoord … 😕

        Like

        • Chris is uniek homself. Ek lief home en Coenie de Villiers, Valiant Swart, Laurika Rauch, Karen Zoid so aan. Party van Polisiekar en Parrow kan ek luister en verstaan, maar Antwoord en dan die doef-dief Afrikaans staan my nie aan nie.

          Liked by 1 person

  3. Nee wat, ek het sommer ‘n gly in die chameleon gekry. Maar dit is maar net ek wat so voel. Ek is gatvol vir al die “shows” wat mense opsit om alewig in die “limelight” te kan wees. Ek moet die boek Joël gaan lees…

    Like

    • En o ja, ek is nou nie juis ‘n vreeslike romantiese siel nie. Beslis meer pragmaties… as ek weer my eier oor Chameleon se trou fanfare mag lê.
      Ek laaik hom net mooi niks meer na dit nie…maar dan moet ek sê ek kyk ook nie na Leon Schuster nie, ek kyk nie funnies nie, ek kyk nie “mense mense” nie en ek skree as ek in ‘n vertrek is en dit kom op die skerm. MAW mense noem my ‘n droeë druk – maar ek skree soos ek lag vir diere en hulle dieremaniere… dit is oulik 🙄

      Like

Lewer kommentaar

Please log in using one of these methods to post your comment:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.