Skryf-Safari….Trek jou stapskoene aan.

/ lekkervurig

Veel berese Una se skryf-safari uitnodiging vra my om ‘n kronkelpaadjie die woud in te loop. Liewe Una, ek kan nie. My pad foeter links weg, ongebaan. Want ek is moeg van hierdie wêreld se reëls en rigting. Ek wil wegdraai. Daar waar ek kan asemhaal en volkome my siel te wees, sonder verpligting of vrees. Dis daar waar ek kan dink en droom en waar woorde magies in snoere ryg. Robert Frost vertel mooi.

Die plek waar ek ‘n holte vir my voet kry het baie boeke. Boeke waarbinne ek kan reis en reis. My kan verwonder hoe elke skryfsel uniek glinster soos geen juweel wat jy jou kan verbeel, onbevange. En miskien, kry ek my woordsnoere ook ingeryg, sodat ‘n ander woordsoeker weer sy plek deur my kan kry.

Coenie de Villiers verwoord die plek waarna my staptog lei tog so mooi:

Daar’s ‘n plek wat ek van weet
sonder sorge sonder pyn sonder leed
die pad daarheen is ongekaart
die reis daarheen is sonder vaart
en daar is rusplek langs die pad
die son se geel word jou sambreel
op jou reis tot waar die pad se vurk verdeel
die een se slingerspoor word dof
waar dit wegloop in die stof
maar die ander lei tot hier
want hier sal jy vind dat jy
steeds deur die oë van ‘n kind
die lewenspel speel
granate van onskuld kan deel
om weer vir ‘n oomblik
die kennis van kwaad te ontken
om weer te kan glo wat jy het in ‘n gawe van bo
daar’s ‘n winterlose oord
waar ‘n mens nog steeds die ure ongestoord
op die telraam van die tyd
sonder spyt of klein verwyt
soos seisoene af kan tel
knip jou deur se grendel dig
sluit jou vensters en jou luike teen die lig
pak jou drome vir die reis
jou hart sal jou die kronkels wys
om ongeskonde hier te kom
want hier sal jy vind dat jy
steeds deur die oë van ‘n kind
die lewenspel speel
granate van onskuld kan deel
om weer vir ‘n oomblik
die kennis van kwaad te ontken
om weer te kan glo wat jy het in ‘n gawe van bo
‘n gawe van bo
‘n gawe van bo

Hierdie week se uitdaging word aangebied deur travel460 van die blog Bali Drome.

Om die inskrywings van verskillende bloggers in die Lê-Jou-Eier uitdaging te geniet of om self ‘n blog wat jy geskryf het aan te heg by hierdie skakel, klik op die InLinkz skakel net onder die paddatjie:

http://www.inlinkz.com/new/view.php?id=778471

Vir die reëls van hierdie uitdaging, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposts Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

23 thoughts on “Skryf-Safari….Trek jou stapskoene aan.”

  1. Magiese woordsnoere…Lekkervurig, was dit jy wat die aanhaling op jou blog geplaas het, iets soos “…combing through the detritus of your life to make sense out of it all” – daardie snoer spook by my en nou kan ek dit nie weer opgespoor kry nie.

    Liked by 1 person

    Antwoord

  2. Ek sit in ons gastekamer, het gou hier kom wegkruip vir al die naweek mense, en ek raak vasgevang in jou droom. My asem is skoon kort toe ek eers die aanhaling lees, en toe Coenie se woorde. Jy het jou siel hier kom ontbloot, en my toegelaat om daardeur te kan kyk. Dankie vir hierdie skrywe, Lekkervurig.

    Liked by 2 people

    Antwoord

  9. Terug pieng: ‘n Belydenis in my stapskoene – Abrie dink hardop

Lewer kommentaar

Please log in using one of these methods to post your comment:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Google+ photo

Jy lewer kommentaar met jou rekening by Google+. ( Log Out /  Verander )

Twitter picture

Jy lewer kommentaar met jou rekening by Twitter. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s

This site uses Akismet to reduce spam. Learn how your comment data is processed.