Ek is kosmos betotterd op die oomblik. Weet nie of koning van kosmos denke, Stephen Hawking, se vertrek die ewige heelal in my weemoedig maak, of wat nie. Of dat die kosmosse hulle wit en pienk gesiggies so sku deur die grasse langs die pad wys nie. Hulle is vir my yl. Ek deel net flussies met ‘n mede-blogger dat hulle yl is omdat die mensdom so met die kosmos (heelal) mors!
Ek lees dat kosmosse (die blomme) familie van sonneblomme is. Dis goed so. Ek laaik sonneblomme ook kwaai. Daar is 36 spesies kosmos vertel slim Wikepedia vir my.
Ek lees met verstomming dat daar geen kosmos in ons mooi land was, tot na die anglo boere oorlog nie. Kan jy nou meer. As die Ingelse ons land nie kom verwoes het nie, was ons sans kosmosse.
Die saad is in besmette perdevoer al die pad van Argentinië tydens die oorlog land in gebring. Maar nog is dit nie die einde nie. Die blommetjies se land van herkoms is Meksiko. Regte ou swerwertjies – die wêreld vol.
Die woord kosmos is van Griekse oorsprong en beteken gebalanseerde heelal. Nou pieker ek lekkervurig vanoggend. Is die kosmosblomme langs ons paaie en oor ons velde maar nie balansering van die heelal om die seer verlies aan onse mense – mans, vroue en kinders van soveel rasse, in die Ingelse se spervuur nie? Soos die papawers in die plek van die WOII slagvelde oral in Europa nie?
Ek ry betraand en groet al die kindertjies en vroue en mans wat nie die oorloë oorleef het nie. Ek verbeel my hulle waai almal oor tye heen vanoggend in pienk en wit getooi! Ek hoor hulle: “Ons het jou vooruit die heelal ingeloop. Alles wel.”
Ter ere aan verlore siele en kosmosse oral deel ek van my kiekies. Want dit gaan my beter laat voel.
Baai!
Hier rond sien ons nie juis kosmosse nie en ek mis die plate blommetjies wat ons altyd so bewonder het daar voor die Suikerbosrand. My ma was vreeslik lief vir hulle en ek het fotos van haar tussen die kosmosse, geneem die jaar voor haar dood. Dis ‘n mooi gedagte om die herinnering van oorlog-slagoffers so te eer.
LikeLiked by 1 person
Dankie Hester
LikeLiked by 3 people
Ag….ek is ook betraand oor Richard Dawkins….’n man wat ek nie eers geken het nie….en tog….die vasgepende maar vry gees……is ook in my…..
…..die kosmosse wuif vir jou…..
LikeLiked by 2 people
…..Stephan Hawking……
Nou lag jy sekerlik heerlik vir my!
LikeLiked by 1 person
Mens lag nie, miskien het Richard ook deur die kosmos gewaai….😉
LikeLiked by 1 person
Pragtig geskryf en die mooiste foto’s!
LikeLiked by 2 people
🤗💐
LikeLiked by 2 people
Dink ek nou weer aan grootouma Martie wat as dogter een môre in die konsentrasiekamp wakker geword het en haar sustertjie was weg, want sy is in die nag dood. Weet nie of tannie Elsabe ooit die storie vertel het nie?
LikeLiked by 1 person
Ja, ons oumas het swaar gehad. Aan my eie ma se kant is hulle hoogswanger suster in die veld gelos om te kraam, en sy en die nuwe bab moes self aanstrompel kamp toe……
LikeLiked by 1 person
love love love die stukkie oor die herkoms van die nederige ou blommetjie, die kosmos. Jou kiekies is ook so super mooi xxx
LikeLiked by 1 person
Dankie!Bly ek kon deel!
LikeLiked by 2 people
Beautiful
LikeLiked by 1 person
Eers het ek gelag oor jou woord “betotterd” dit is ‘n oulike woord. Nou huil ek, want jy het my hart gegryp by: “Ons het jou vooruit die heelal ingeloop. Alles wel.” Pragtig geskryf.
LikeLiked by 1 person
Sonell, my skryf maak maar soos my emosies – die spektrum vol. Dankie dat jy inloer.
LikeLiked by 2 people
❤️❤️❤️
LikeLiked by 2 people
Dis interessant waar die kosmosse eintlik vandaan kom…. en toe maak jy my hartseer. Mooi geskryf… en mooi fotos ook.
LikeLiked by 2 people
🤗🌸🌸
LikeLiked by 1 person