Lê-Jou-Eier: Die Voortvlugtiges Hoofstuk 1 – Die uil,die spook en die sersant

 

240px-SpottedEagleOwl

Die een oomblik is die Towerinne by Toweropstal  vol vreugde oor Boss Abrie en Klong se reddingsplan en ook Scrapy se onthulling dat daar nog ‘n skat te vinde is, die volgende oomblik gooi Hester ‘n emmer koue water oor die spulletjie.

“Genoeg, ek het genoeg gehad…kom Carlos!”

En daar gaan Hester en Carlos met my lorretjie vort, al melkskommelskuddend die grondpad af.

Hester was darem vreeslik haastig en kortaf. Sommer so vir Carlos met sy bergiebek gegryp en gesê sy is nou klaar met Toweropstal en goud en gerugte.

Pfft. Ook nie gevra vir die Lekker lorrie nie. O, nee, sommer net die sleutels uit my hand gevat soos ‘n baas(in). Die ander Towerinne, Boss Abrie het saam met my, hulle verslae agterna gekyk.

“Elke diertjie sy plesiertjie. Daar is ons storie se fluit nou uit,” sê Kameel, en haak by Una en Toorts in.

 “Kom ons gaan maak reg vir ons vir-oulaas-paartie. Kom julle,” roep sy oor haar skouer.

Ek, Scrapy, Perdebytjie Wegkruipertjie, Sonell, Woestynkind, Ekmysellf  en Abrie drentel stadig agterna. Die wind uit ons seile.

Ekmysellf begin uit volle bors sing: “Another one bites the dust….” Die Towerinne en Boss val saam in, gou lag almal lekker. Ek gaan stap ‘n draai om  Toweropstal om seker te maak daar dwaal nie ‘n verskrikte hoendertjie rond nie. Wil eintlik ‘n skelm rokie maak.

‘n Gevlekte ooruil hoe-hoe onheilspellend en ‘n yl sekelmaan steek so skuins agter die skoorsteen uit. Die skemerte van flussies skielik nagdonker. Ek ril.

Die skerp reuk van ‘n vuurhoutjie, pas aangesteek, en pyptabak oorweldig my. Met ‘n hart wat wil weghol en bloed bruisend in my ore, draai ek stadig om.

Ek sien ’n  pyp se kooltjie gloei.

“Naand, niggie,” sê ‘n krakerige stem hier voor my. My stopsels in my valstande word sommer koud en bang maalkolk in my binneste.

 “N..N..naand, meneer,” kry ek skaars hoorbaar uit.

“Joubert, Piet Joubert,” stel die stem hom voor.

Dis die ander spook van Toweropstal!

“Niggie, ek kan nie lank bly nie. Hier is moeilikheid oppad. Daar is ware skurke agter ons geheim aan. Hulle is naby. Julle moet versigtig soos slange wees, en waaksaam soos ‘n arend…gaan bêre die joernaal.”

Die ooruil hoe-hoe asof hy die oom se woorde beaam.

My selfoon biep, Piet Joubert verdwyn in die niet. Ag jinne, ek wou hom nog soveel vra!

‘n Whatsapp van Hester: Polisie oppad.

Ek hardloop en gil: “Towerinne, die polisie…”

Die Towerinne is te besig om musiek te luister en glasies te klink. Dis te laat.

Asof in stadige aksie sien ek hoe die nagdonkerte deur verblindende soekligte verhelder word. Sirenes loei en swaar gewapende polisiemanne vlieg uit die patrolliemotors wat met skreeuende remme klippers die werf vol laat spat.

“Hande in die lug,” snou ‘n lang, maer sersant ons toe. Ons staan sy aan sy met groot oë, tasbaar beangs en gooi ons hande summier in die lug. Kameel se wynglas tuimel stadig grondwaarts.

Gigaba, sê die naamplaatjie op die maer man se bors.

“Sersant Gigaba…” probeer een van ons, ek weet nie wie nie.

“Bly stil, ek sal sê wanneer jy kan praat,” gil hydat dit spoegspikkels om sy mondhoeke borrel.

Sjoe, ek loer so onderlangs na Toortsie. Sy is wasbleek, haar rooi kopdoek windskeef. Ek probeer oogkontak maak, maar sy kyk verstar na die manne in blou met hulle vuurwapens op ons gerig.

Brawe Abrie en Sonell tree na vore.

“Staan stil!”

“Wag, nou Sersant, waaroor al die vreeslik agressie,” vra Abrie.

“Die mense van Skimmelkrans Boerdery het ‘n klag gelê oor julle lawaai hier by Toweropstal. Hulle is van die grootster kommersiële melkboere in die omgewing. Hulle melkkoeie word sag gekoester en luister na Mozart se Concertos en produseer gellings melk. Sedert julle spul hier kom intrek het, kan die koeie nie ‘n druppel melk lewer nie. Die hoenders se geskrop en gekekkel en die musiek wat 24 uur ‘n dag hier uitgeblêr word is een te veel. Die koeie is nou op gemoedsbekakpille,” skreeupraat Gigaba.

“Maar Sersant, is dit nou billik dat die bure sommer so by jullle klagtes kom lê, sonder om net eers met ons te kom praat? Dis darem nie buurmanskaplik nie,” antwoord Abrie bedaard.

Gigaba kyk vir Abrie so skuins aan. “Wie se grond is hierdie dan?”

“Dis my erfgrond”, sê Abrie.

“Wag, so bietjie,” kom die opdrag. Gigaba praat vinnig in Xhosa met die ander offisiere.

“Wat sê hulle,” haak Una af. Wegkruiper en Ekmyselff kruip stil agter Kameel en Una in.

“Ek weet nie, maar ons is hier in groot gemors en ons sal ‘n plan moet maak,” mompel Sonell.

Ek loer so om my, en ek vang Kameel se oog, en sy knipoog vir my.

Hier kom ‘n ding.

Sy sal self verder vertel.

__________________________________________________________________________________________

Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die paddatjie of die InLinkz skakel net daaronder:

http://www.inlinkz.com/new/view.php?id=769965

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

 

70 Comments on “Lê-Jou-Eier: Die Voortvlugtiges Hoofstuk 1 – Die uil,die spook en die sersant

  1. Ag vaderland lekkervurig, ek sit kliphard hier en lag!!! ‘n Skelm rokie sê jy…. en Piet Joubert…. hy sal maak dat jy meermale om die hoek van die huis verdwyn. Dis puik!!!

    Liked by 1 person

      • Sit met bietjie van ‘n probleem… ons sit sak en pak oppad na my dogter toe vir ‘n partytjienaweek. Kom eers Maandagmiddag terug. Het so min of meer ‘n idee rondom die storie. Of ek tyd gaan kry om hom te skryf is ‘n ander storie. Geniet jou naweek met Piet Joubert!!!

        Liked by 1 person

        • Sterkte – die storie skryf amper aan homself. Geniet jou partiekie. Ek sit met Rots die stywenekkie, watwou Piet Joubert die spook…hehe!

          Liked by 1 person

  2. Laat ek julle nou iets vertel: Daai bure vat ‘n kans.
    in die eerste plek is hulle jaloers omdat hulle nie genooi was na al ons lekker paarties nie en hulle monde het gewater vir al die sponasietert. Verder moet hul maar met hul voerverskaffers praat. Tien teen een is daar al weer fout met die voermengsels of iets. Gmf. Nou kom soek hulle die fout by ons! Sorry to hear!

    Liked by 3 people

  3. Ek is nou só gefrustreerd, ek loop eet sommer ‘n hele pakkie Enterprise worsies! Ek wonder nou juis of die bure nie dalk per ongeluk so iets ingeneem het nie?

    Liked by 1 person

  4. Kyk, ek is al van baie dinge beskuldig, en ja, van hulle was dalkies waar, maar ek was nog nooit deels verantwoordelik vir koeie wat nie melk kan ‘skenk’ nie. Hierdie is ñ eerste… So Toortsie, wil jy my nou sê ñ koei ontspan meer op Motzart se musiek as op Enrique en sy pappa Julio sn? Weet die koeie hoe lyk…ek bedoel klink die tweetjies! En wat hulle aan ñ ouer vrou se menopausal hormonale stelsel kan doen??? Ekmyself, kom ons sluip vanaand langsaan toe en gaan gesels bietjie met die koei-tannies. Hulle is defnitief deur mense op verkeerde paaie gesit as hulle Concertos moet luister sodat die melkkliere kan saamtrek…

    Liked by 1 person

  5. Goed afgeskop met die eerste aflewering. Ek lag my dood vir die spook. Wat het jy met die joernaal gedoen wat hy jou gegee het en wat staan daarin geskryf?
    Ek sien al vir Toortsie met haar skewe kopdoek!😄😄

    Like

    • “Bytjje – die joernaal was mos in die kis wat Camille en haar Ben gekry het. Dis mos waar die Ingelse Ponde storie van Scrapy ook aanhak, of miskien is hierdie ook maar ‘n storie…….;) Ek het hom nie gesien nie, die spook het gesê dit moet gebêre word…kon nie waarsku nie – so ons sal moet soek,

      Liked by 1 person

  6. Carlos se bergie-bek, haha. En daai Hester kan by tye soos ‘n regte boks optree. Dis ‘n skitterende skrywe Lekkervurig en ‘n grootste aanvang vir ons volgende boek! Dit gaan pret wees, alliepad.

    Liked by 1 person

  7. Lekkervurig my oor-oom Piet Joubert was maar ‘n harde koejawel ek sal nie met hom sukkel.nie veral nie die spookweergawe of dalk het het hy nou ‘n lammetjie geword. Ek is tog so bly dat ek kalm gebly onder die Gigaba se geskree. Jy het my uiterlike fyn waargeneem maar ai aan die binnekant het die derms so bietjie geknoop. Ek dink ek gaan Toortsie se spinasietert nodig he om dit te ontknoop

    Liked by 1 person

  8. Towerinne en Boss en medebloggers, ek het vanmore weer besef, Blogland is ‘n wonderlike plek. Waar sal ‘n groep mense nou ooit met hande omhoog en aangehou met gewere kan skerts oor besmette polonie, spinasietert, spoke, koeie, klassieke musiek, melkkoors en uieskiltrane. 🤣🤣🤣🤣🤣 Ek loop en smaail en my gesin dink ek is dol.

    Liked by 1 person

  9. Jong dis nou n lekker draai wat hier gemaak word. Koeie al dansende en wiegende op klassieke musiek. Hul beweeg dat die melk so spat dis hoekom die ouens nie melk uit hul kry nie. Alles uitgedans! Lyk my ou Piet Joubert het n oog op jou gehad. Ek sal, soos Abrie se, nie te gerus wees met hom in die omtrek nie. Hy gaan nog lekker moles maak onder die polisiemanne. Ek hoop hul het skoon klere in die vangwa!

    Like

  10. Terug pieng: Kuiersafarie: Hartebeespoortdam besoek. – I scrap 2

Lewer kommentaar

Please log in using one of these methods to post your comment:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.

Top40Weekly.com

The Weekly Top 40 1955-2017

toortsie.com

Skyn, liggie, skyn!

No Facilities

Random thoughts, life lessons, hopes and dreams

Leeskring met een lid

Waar ons boeke saam met die seelug inasem

The Bee Writes...

oder auch "Die Bea schreibt" *** expect nothing... not even the unexpected *** erwartet nichts... noch nicht mal das unerwartete

Gedigte wat jou laat dink.

Sien die groot prentjie.

Tokeloshe

I♥2CR8

Kluisenaarsklaviere

Denke oor die wêreld, sy plekke en sy mense

Kameel se gebabbel

Waar die hart van vol is, loop die mond van oor

Kruger Theron

Stories met Siel

Daily Manna

By Heart of Worship

Justice's Blog

The fear of the LORD is the beginning of wisdom...The contents of blog ranges from Christian knowledge to my own 'nerdy' posts.

the depth of now

Discovering Istanbul through Storytelling & Photography

Discover

A daily selection of the best content published on WordPress, collected for you by humans who love to read.

Wag 'n Bietjie

Welcome! Come linger a while..

%d bloggers like this: