Liewe Juju Malema
Rerig, ek reken jy het te min pak slae gekry as kind. My bloeddruk bliksem die hoogtes is as jy so tekere gaan. Kan jy nie ‘n nuwe deuntjie kry om te sing nie, of is jou rol in CR se bewind maar dieselle as as toe jy die hofnar en lawaaimaker was om ons aandag van die ware toedrag van sake te trek tydens ons Zumafikasie? Ek het so spesmaas jou kontrak is verleng, want ons skaakspelende president het asemhaal spasie nodig, en nou word jy op ons losgelaat. Juju maak vir Witjie bang.
Vertel my – jy en jou volgers wat so wil skiet…gaan julle vir die wat gaan oorbly sorg – vir werk, vir sekuriteit. As jy my skiet, sal jy my personeel en hulle families bly help, of gaan jy my mense laat loop sodat jou eie kan baat? Waar sal my mense heengaan? Wat gaan van hulle word. Gaan jy help met kosgeld, busgeld, skoolgeld, boorgate, bakstene. Want sien dis wat ons doen. Ons help om beter lewens vir die in ons lewe te skep. Alles by die boek. Ons betaal en betaal en betaal. Ons kla nie. Ons dreig nie om mense uit die weg te ruim nie.
So weet jy hoe stukkend is my hart dat jy, na jou mosie, so gebokspring het en suggesties gemaak het en die media en ander het niks hieroor te sê gehad nie!
Hitler het ook so gemaak….of is dit net ek wat so voel?
Juju ek wil jou aan iemand voorstel wat Hitler oorleef het. Haar naam is Edith Eger.
As ek haar so luister en haar storie lees, besef ek dat jy en ek, en almal in hierdie land van ons, oor onsself sal moet kom. Ons wederkerige afkeer en bitterheid en fok, ja ons haat vir mekaar, maak van ons posduiwe, al om ‘n gat. Daar is geen oplossing in ou koeie ophaal nie, daar is geen oplosssing in wraak en weerwraak nie. Wrokke vlam net haat aan.
“It is too easy to make a prison out of our pain, out of the past. At best, revenge is useless. It can’t alter what was done to us, it can’t erase the wrongs we’ve suffered, it can’t bring back the dead. At worst, revenge perpetuates the cycle of hate. It keeps the hate circling on and on. When we seek revenge, even non-violent revenge, we are revolving, not evolving.” – The Choice: Embrace the possible” Edith Eger
Ek gaan jou en jou soort liewer in vrede laat, en elke dag op voetsoolvlak waar ek my lewe leef, en mense van alle kleure en oortuigings wat my pad kruis, met waardigheid en respek behandel, selfs vir jou as dit sou gebeur. Want sien, jy kan my wêreld verander, my goed vat, my van regte ontneem, maar ou Juju, my hart en my siel, die is myne en hoe ek kies om my omstandighede te hanteer help my om te groei as mens. Ek laaik wat Edith Eger se Mamma vir haar geleer het.
Lees gerus haar boek, dis verniet: http://a.co/gbDt9qR
Miskien verander jou deuntjie. Ek vra assefokkieblieftog. Ons land het ware oplossings nodig, nie verdagmaking en haat en wraak nie.
Groetnis
Vertel hom, Lekkervurig, vertel hom. Ek is bevrees hy sal nie luister nie – dit sit net nie in hom nie. Maar darem het jy dit nou gese.
LikeLike
My bloeddruk voel beter. Ek kan net nie glo dat daar nêrens hieroor berig is nie. Dis ontstelllend.
LikeLiked by 1 person
Genade dit is baie erg. Ek sal liewers nie hier uiter dit wat ek wil se nie…
LikeLike
Dankie vir die deel van Edith Eger se video – wow
LikeLiked by 2 people
Ek gaan dit beslis later weer mooi luister.
LikeLike
Uitstende stuk en hierdie vrou is ‘n voorbeeld soos min. Probleem is, Julius is ‘n populis, dom en bitter gevaarlik.
LikeLiked by 1 person
Dis waar –
kyk wat het hule in PE veroorsaak…
https://www.facebook.com/AtholTrollip/?hc_ref=ARTMCsth0ZJu5TNLi4oIHrOMUYXwThLyySKQsjH8MuYkZEf1wY3EO49svqSyUyd9ORU
LikeLiked by 1 person
Het gelees. Wat my erg ontstel is die breindood kommentare! Joe, die mense is hatig en dom!
LikeLiked by 1 person
Hoe meer die regerende party én die amptelike opposisie hulle plig versium, hoe meer van hierdie populistiese snert gaan ons beleef. Die hele politieke arena se fokus is op kruisies op papier en die mag en welvaart wat daarmee saamkom en nie op die hande wat daardie kruisies trek nie. Tot die skaaptrop dit besef sal ons almal aanhou swaarkry. En dis al politiek wat ek gaan praat.
Laat jou aksies verteenwoordig wie jy is en waarvoor jy staan, nie dit wat daar oor jou gesê word nie.
LikeLiked by 2 people
Urgh ek en jy deel die presiese, tot op die letter, sentiment. Dit gaan net oor mag en niks anders nie. En ja, beslis is hy die ANC se hoof weerligafleier van als wat werklik verkeerd is in die regerende party!
LikeLiked by 1 person
En dan is die vrou se getuienis uit ‘n ander wereld. Wow…
LikeLiked by 1 person
Sjoe wat ‘n positiewe boodskap deur Edith
Ons moet verstaan dat dit ‘n verkiesingsjaar is, propaganda voor en agter
LikeLike
Ek gaan haar raad volg en liewer in my eie bewussyn leef.
LikeLiked by 1 person
Ek dink dis ‘n fynuitgewerkte “speletjie’ Hy hou die mensdom besig en ander steel en plunder
LikeLike
Ek kon dit nie beter stel nie. Ek wil so graag die een wees wat hom oor die skoot trek vir ‘n helse pakslae en daarna sal ek hom coach om ‘n beter mens te wees, want die vet weet!
LikeLiked by 1 person
Hy is beslis ‘n paar klappe agter.
LikeLiked by 1 person