Toto
Jou naam kom van ‘n Latynse woord wat volledig (“whole”) beteken en spruit uit die keffertjie van die beroemde “Wizard of Oz”-fliek. Daar is gespekuleer dat die fliek se Toto en Dorothy die fisiese en geestelike in die mensdom simboliseer het. Die arme hondjie wat Toto in die fliek gespeel is was nie geliefd nie, Salmon Rushdie het in sy boek oor die fliek bely in “I couldn’t stand Toto. I still can’t.” Toto is “that yapping hairpiece of a creature, that meddlesome rug!”
Dankie tog jy het net jou naam met die brakkie in gemeen! Jy wat op my voete saam met jou boetie, Oscar, slaap terwyl ek skrywe. Jy wat onder die beddegoed bly lê en ek verplig is om die bed bo-oor jou op te maak, jy wat my nie eens los om alleen badkamer toe te gaan nie. ‘n Ewige teenwoordigheid met net liefde in jou kraalogies.
Die afgelope tien jaar kry jy en jou boetie Oscar ons by die hek. Laf en vrolik. Elke middag hol Oscar voor die kar uit en jy duik windmaker die beddings in. Op soek na daai muis of voëltjie om te kan vang. Spoghans Toto.
Vir tien jaar, week in en uit sonder enige voorval was dit jou ritueel en ons verwagting. As ons stop en die deur gaan oop sou jy in die kar klouter en natbek soene uitdeel en dan wag dat ons afpak en die kar finaal intrek – jy ry saam tot in die motorhuis.
Vir wat moes jy altyd op die jag uit wees? Waarom moes daar gistermiddag wragtig na al die jare ‘n voëltjie uit die bedding opvlieg en jy agterna, onder die bakkie se wiele in?
Ag my stinkasempie, ek is so jammer. Wat ‘n ongeluk. Jy by deurhaal verby seergekry en ons harte vol hoekom en seer.
Ek troos my dat jy voluit vrolik geleef het tot daardie oomblik. Ek is jammer dat jou seer so groot was dat ons die veearts vir genade vir jou moes vra.
Gaan hol lekker en vry daar by die vir-altyd-tuin. Blaf liefdegroete vir Rufus, Seuntjie, Cindy, Mandy, Frikkie, Waaksaam. Julle het ons lewens ryk gemaak.
Jou mensma
Sorrie Toto. Sorrie Toto se ma.
LikeLike
Dankie Storieklong.
LikeLike
Agge nee :-(.
Hulle se diere het nie nodig om so oud te word soos mense – want hulle lewe van die begin af voluit. Ai – Jammer….trooswoorde voel stupid… Dink aan jou x
LikeLike
Dankie Zeesbees. Ek voel so goor. Hy en sy boetie was my skaduwees. Die oorblywnde ou is verwese.
LikeLike
my hart voel-bloei-huil saam. Ek hoor nou nog my ou grote soms..of verwag hom by die deur… Hulle is sooo groot deel van ons lewens. Ai – ek dink aan jou xx
LikeLike
Ahhh, so vreeslik jammer jong. Ek huil sommer so hier by die rekenaar saam met julle.
LikeLike
Hy was darem vrolik tot daai oomblik – dis my troos. Peslike ongelukke.
LikeLiked by 1 person
Ai siestoggies. Sorry man – sterkte met die hartseer
LikeLike
Baie dankie Daniël.
LikeLike
Ai dis erg! Ek huil sommer saam met jou. My honde is my kinders en ek kan net dink hoe erg dit sou wees as een so gewelddadig moet sterf. Sterkte.
LikeLike
Dankie perdebytjie. Dis vir my erg. Ek het bestuur.
LikeLiked by 1 person
Ag dis eers tragies…nou kan ek my nie indink hoe verskriklik jy voel nie! Drukkie.
LikeLike
Verskriklik jammer…maar ek glo die outjie is gelukkig daar in die vir-altyd-tuin.
LikeLike
Dankie Frannie.
LikeLiked by 1 person
Ek is saam met jou hartseer. Die ou dierlyfies het só onvoorwaardelik lief! Sterkte, hoor! ♡
LikeLike
Dankie Christa
LikeLike
Jammer oor Toto 💚 Dis ‘n groot verlies so ‘n dierekind.
LikeLiked by 1 person
Dankie Kameel
LikeLike
*drukkie* ❤
LikeLiked by 1 person
🌹
LikeLiked by 1 person
Ag jammer man, dit moes ‘n verskriklike skok vir jou gewees het. Ek is jammer dat Toto so seer gehad het, maar bly dat julle die moed gehad het om hom te laat gaan en van sy pyn te verlos.
LikeLiked by 1 person
Dankie Hester.
LikeLiked by 1 person
Aggenee dis erg. So jammer vir jou😢
LikeLike
Trane in my oë vir Toto en vir jou. Dis hartseer
LikeLike
🌹
LikeLike
Ag so jammrd. Sad.
LikeLiked by 1 person
My neef hat al 2 keer oor ‘n hond van sy ma gery, mees onlangs 2 jaar terug (sy is nou 80) en veral die laaste hond was baie erg. Neef is ‘n boer (ek het al oor Muldersbank geskryf) maar hy sal bepaald nie aspris oor die hond ry nie, Sterkte vir jou. Het vir ‘n oomblik Toto met Tonto verwar, die Lone Ranger se vriend
LikeLike