Rots leef geruime tyd al met chroniese pyn. In die nek. Sy arms lam. Benewel deur pynmedikasie.
Dit danksy oorkwotering en die ewige bybetaal. Ons wag nou tyd af met ‘n nuwe mediese fonds en baie beter ingelig om daar waar daar kwaliteit mediese sorg bekostigbaar beskikbaar is vir ‘n oplossing te gaan soek.
Hy slaap sy dae om want die pynmedikasie kap hom flou. Dit frustreer ons mateloos – die gewag vir tyd om verby te gaan, en tyd vermors.
Ek dink hy sou graag die horlosie wou terugdraai tot voor rugby sy baas was. Lekker ou sportbeserings wat op jou oudag kom liederlike komplikasies veroorsaak. Ironies.
My skoonvader is skaars na aftrede aan longkanker oorlede. Net toe hy die vrug van sy arbeid moes geniet. Dis ‘n albekende storie, die swakker word, afgetakel word, wanneer jy jou blaaskans kry.
Dit herinner my aan Miss Helen Martin se Uilhuis. Die twee kinders wat die kerktoring se horlosiewysers met tou vasbind en hou vir ‘n vale…
Die dood het ‘n vaste afspraak met elkeen van ons. Ek dink die wat ‘n blitsafspraak kry is gelukkig in die sin dat jy nog voluit leef, en dan is dit verby. Whoosh. Net so. My pa het nog gelag toe is hy oor die eindstreep.
Aan die anderkant, diegene wie ‘n bespreek-die-datum-ek-sien -jou-daar kennisgewing kry is op ‘n manier geseënd. As die dood langsamerhand nader kom, het die persoon regmaak tyd. Afsluit tyd.
Na die jare wat ek saam met engele by ‘n hospitium gewerk het, kan ons elkeen getuig van vreedsame sterftes, omdat mense geleende tyd gebruik het om lief te hê, te vergewe, verhoudings heel te maak.
Ek dink vandag ook baie aan Johnny Clegg. By uitstek ‘n voluitmens. Hy is onlangs met prosaatkanker gediagnoseer. Hoe ver versprei en so, die weet ek nie.
Hy leef steeds voluit en het ‘n wêreldkonsertreis op sy bord. Hy sit nie in die wagkamer en wag tot die dood nou kom nie.
Die lirieke van sy “King of time” vertel egter van die menslike sug om tyd te kon uitkoop, om goed anders te kon gedoen het.
King Of Time
Johnny Clegg
Oh libambe ilanga lingatshoni
Oh libambe ilanga
King of time
Oh libambe ilanga lingatshoni
Hold the line
Oh libambe ilanga
Shield the mind
Oh libambe ilanga lingatshoni
Will be fine
Oh libambe ilanga
Aww sashela intombi
She remembers things
I said long ago
We are trapped in the past
The future won’t flow
If i could travel back in time
The heart will never break
Change the past
And fix my mistakes
We could wake up
To a brand new day
Whilsting our troubles away
If i could speak to the king of time
He could erase and rewind
If i could only go back to that day
Maybe will find our way
Lekkervurigeaffêre 
Ja tyd nè? Dit maak heel en dit breek af; dit sleep wanneer ons wag en snel verby wanneer ons nie kyk nie. Die prentjie en die lied pas albei so mooi by die tema van hierdie blog. Dankie vir die deel.
LikeLiked by 1 person
Baie al gewonder wat ek wil weet, wil ek weet wanneer of hoeveel tyd het ek oor? Miskien is dat ek op die oomblik niks weet nie, die beste. Ek weet net dat ek gesond is. Het ‘n hartaanval gehad, verlede tyd, maar is ok op die oomblik.
LikeLiked by 1 person
Sterkte Hoop die medikasie word gou uitgeklaar.
LikeLiked by 1 person
Ek was vandag op ‘n begrafnis waar die spreuk “we are created to die” opgeduik het. Dis seker waar. Maar bietjie donker.
LikeLiked by 1 person
Sjoe! Wat antwoord jy hierop? 🕯
LikeLike
Nie lankgelede nie hoor ek 2 jongmense gesels. Die meisie sê ewe beterweterig dat sy nie so oud wil word nie. Ek dink hul het ‘n ou mens staan en bespreek.
Ek kon nie help nie, en vra: Verkiesjy dan om jonk dood te gaan, want dis die alternatief?
Geen antwoord.
LikeLike
Jonkheid is ydelheid het my Oupa Faan altyd gesê.
LikeLiked by 1 person
Ek lees nou eers hier. En vandag lees ek jou man se nek gee nogsteeds probleme. Sterkte vorentoe!! My skoondogter se pa sit ook met vreeslike pyn in nek en operasies wat nie help nie… hy het gestoei in sy jongdae. Hy gaan deur depressie op oomblik. Dink hy sal ook klok wil terugdraai.
LikeLiked by 1 person
Wat nou tel met hierdie proses is een tree vorentoe en tien tree terug, Mansmense is vreeslik soos Shrek met was in hulle ore…
LikeLiked by 1 person