22089150_1679236268754624_261385023617074654_n

Ek lees stadig en met verdrag, aan  Zen Flesh, Christian Bones want  goete is is so eenvoudig dis gekompliseerd.

In my siel is ek so dankbaar vir die dinkjuwele wat ek raakloop.

Hier is een  is ‘n kort kragtige storie wat my stil laat sit en dink het:

Zen flesh

‘n Ongelowige man konfronteer meester Isu.
“Jou God word beskryf as die één ware God, die God van liefde. As dit die waarheid is, waarom ly Sy kinders so?”
Isu antwoord: “As daar ‘n antwoord vir elkeen is, is daar nie één God nie.”
Met die aanhoor van die woorde is die ongelowige man se hart oopgebreek.

 

Kapow.

God is nie vir ons lyding verantwoordelik nie.

God leer ons nie lesse in lyding nie

Hy begelei ons wel in Sy liefde deur watookal op die ondermaanse ons mag oorkom.

Hy is lief vir ons met al ons geite, onvoorwaardelik. Soos die Afrikaspreuk sê: “Die een wat jou liefhet, het jou lief met al jou vuillis.”

Dis darem ‘n lekker wete, dis hoe God vir ons elkeen lief is.

Een liefdevolle God vir ons almal.

Dit wat ek hieruit leer: Ons kan nie vir mense in  pyn, lyding, skok, seer vertel dat “as God jou tot hier gebring het, sal hy jou daardeur bring nie.”

God bring jou nêrens nie, jou keuses bring jou tot ‘n punt of op ‘n plek. Wat God wél doen is om in enige omstandigheid jou nooit te verlaat nie.