In my middel dertigs, het ek ewe hans vir iemand vertel ek het genoeg in my kort leeftyd beleef, net doodgaan lê voor! Bwahaha. Ek dink die hemel het geskater vir my voor-op-die-wageit!
Daar is mense wat my arrogant of selfs hardgebak ervaar. Die ding is, ek het van die grootste traumas binne sewe jaar ervaar. Daaroor gaan ek nie derms uitryg nie.
Eers het ek gedink dis oor ek een voet voor die ander sit en doen wat gedoen moet word, omdat ek maar die mouoprol, praktiese tipe is, dat ek oorleef het. Watwou, dit het niks met my vermoëns te make gehad nie, dit was pure genade. Dis my groot les in vreesloosheid.
Ek is nie bang vir al die geskuur en poleerdery wat mens beleef nie. Want sien – God se genade is 24/7 ewig en altyd daar. Onveranderlik in ons gisters, in ons vandag en reeds in ons mores! Daar is “moenie bang wees nie” vir al 365 dae van die jaar in die Bybel opgeteken. Daai genade is genoeg.
Maar ‘n mens hou nooit op leer nie. Jy leer en leer totdat jy, deur die lewe blink gepoleer, anderkant uitkom. Hopelik beter as toe jy begin het. Ag, hoe lekker ek praat myself nou moed in.
Kom wêreld!
Hehe. Ek gaan nou moet bieg: Natuurlik is daar goed wat my bangmaak. Mos maar mens.
Ek is bang vir my reaksies. Bang hoe ek reageer, en dan die gevolge van my reaksie, want al probeer ek hoe hard, my emosies is baie jonk, iewers daar tussen agtien en een-en-twintig vasgehak. Dis harde werk, ek moet dikwels omdraai en askies sê. Ek moet baie vergifnis vir die Here vra, want ek kan blitsig en bitsig wees. My Achilles hiel. Ek sukkel om tot tien te tel….
O ja, en slange, ek is grilbang vir slange. Daai koue kil oge en gesplete tong. Ek is bang vir regte slange en slangmense.
Dis dit.
Oor en uit.
NS.
Ek loop die vanoggend raak
“Courage is a love affair with the Unknown.” – Osho
Kunswerk: Odilon Redon
__________________________________________________________________________________________
Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:
Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22). Laasgenoemde blogpos is opdateer op 2017-09-05.
(my emosies is baie jonk, iewers daar tussen agtien en een-en-twintig vasgehak) MYNE OOK en ja, dit is maar ‘n ontnugtering – my lewe bestaan ook oor askies juis oor daai tiener emosies wat dan en wan kop uitsteek.
LikeLiked by 1 person
Ek loop maar gereeld met ‘n donkerbril en pruik ;)…sy leer stadig het juis in my Gr 1 rapport gestaan.
LikeLiked by 1 person
kielie kielie, groot glimlag terwyl ek eintlik moet werk.
LikeLiked by 1 person
Jy weet hoe ek oor hierdie ‘bang’ opdrag voel.☺Jy gee my nou ñ woord. My reaksies. Ja, dis waarvoor ek bang is.
LikeLike
Sekerlik een van die grootste lesse wat ek ooit en nogal onlangs geleer het: “Dis nie wat gebeur nie, dis hoe jy reageer.” Sterker remskoene –
dit moet ek aan werk.
LikeLiked by 1 person
Dis nou die waarheid wat grens aan evangelie (het my oom altyd gesê).
LikeLike
Ja, reaksies en emosies. So waar. Bly maar geite waarmee ons dames sukkel. En slange …. grilll. Ek stem.
LikeLiked by 1 person
Mmm, Spokie jy raak daar nou aan waar, sal laaik om Eva onder vier oë te wil spreek…eish
LikeLike
Ek stem
LikeLike
Emosies vra nie of hulle welkom is of nie en dan die reaksie op die emosies is ook ń onwillekeurige ding.
LikeLike
Ek is vir niks bang nie buiten miskien… vir ‘n
‘n kat met ‘n gryns wat altyd hunker na ‘n muis
en ‘n ding wat val met ‘n gruwelike knal
en ‘n uil in die nag wat vir Abrie sit en wag
en ‘n huis met ‘n lawaai soos ‘n haan wat kraai.
‘n Gebr /eek, ‘n gekraak, iets wat tjiep-tjiep maak.
‘n Getjingel, ‘n getingel, ‘n gekletter, ‘n geknetter
en ‘n boem en ‘n kardoems
Oe-eee!
Is daar niks waarvoor ek skrik nie.
Was nie van plan om die week deel te neem nie, maar plass dalk bostaande met bietjie kommentaar…
Die is ongelukkig so dat vir ‘n man ek nogal emosioneel is.
LikeLiked by 1 person
Abrie, hoe lekker sing ek nou! Niks fout as mens jouself ken en om emosies te herken en erken. Dit maak die siel vry.
LikeLiked by 1 person
Kon mos nie die laaste paar dae kommentaar lewer nie (en ek gesels so graag saam!), dus het ek gou ingeval om te sê dankie vir die bydrae. Jy’s reg, ek wonder soms oor my eie reaksies op gegewe situasies; wanneer het ek geleer om so hard en ongevoelig op te tree, net om agterna my eie tong deur te kou? Ons werk maar steeds daaraan.
LikeLiked by 1 person