Niks – want ek is nie daar nie. Ek is huistoe, by my Pa.
My lyf, wel dis ‘n ander storie.
My gesin sal na my heengaan ‘n briefie aan die testament kry, wat so lui:
“My liefstes
As julle hierdie lees, is ek vooruit huistoe. Onthou net, niks begrafnis- en grafdramas nie. Ons het mos saam genoeg aan ontsteltenis beleef rondom doodgaanwense wat nie volvoer is nie.
Die lyf waarin ek hier op aarde in geleef het moet julle veras, of verys. Ek het gehoor mens kan nou ‘n liggaam laat verys* en verkrummel. Of liewer, Kry een van daai boom “pods”*, en ‘n boom wat by Great Expectations sal aard. Een wat sterk sal staan en skadu op ‘n warm Karoo somerdag sal maak om koelte en skuiling te bied. Of as julle nie lus is nie, maak ‘n gaatjie met die grondboor by die peperboom in Great Expectations se werf, en gooi my as daarin. Bemesting vir die skaduboom. En as die kaktus so mooi blom, onthou.
Ek sal dan kan, soos ek in my liefhê vir julle, en julle vir my, skuiling teen die wêreld se aanslae en die lewe se seer gebied het, vir die boom voed om stilte en skadu te bied vir iedereen wat teen sy stam kom leun of kom sit.
Onthou my as die een wat die klein dinge met groot liefde gedoen het. Die botter op elke hoekie van die brood gesmeer. Nee, onthou soos julle wil, of nie.
Leef julle lewe voluit, daai strepie tussen begin en einde, hy tel. Onthou net: as die begin begin, begin die einde.
Liefde altyd
Rina-ryni-ma-ena-edna-mother-sharofski
NS. Ek was altyd lief dat ek nooit deur julle op my noemnaam genoem is nie. Vele rolle in ‘n vol lewe. Ja, toe, ek wou net vir oulaas my sê inkry. Hehe.
Na- naskrif (Amper vergeet ek)
Burial pod of Capsula Mundi coffin
Ek sou egter verkies om in my Karootuin, ‘n boom te word. Sê nou net my buurboom en ek baklei oor ‘n sonkolletjie…..
Bevriesing tot bemesting
So – veras of verys, die uitkoms is dieselfde.
Stof tot stof, as tot as, deel van die siklus van lewe en dood.
Gee my vir ‘n boom groot asseblief.
In ons Karootuin, asseblief.
____________________________________________________________________________________________
Copy & Paste die volgende paragraaf onderaan jou blog:
Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, klik op die volgende InLinkz skakel:
Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposte Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22). Laasgenoemde blogpos is opdateer op 2017-09-05.
O dit klink heerlik, om saam met ‘n boom te groei, om die boom te wees. Ek het al gelees van die “pods” en ek dink ook dis ‘n gawe idee. Die enigste probleem is dat ek nog nooit lank genoeg op een plek gewoon het om die “huis” te noem nie, maar as jy jou eie staanplek het, is dit ‘n wonderlike idee. Jy sal weer kan groei saam met jou nageslag. Lekker bydrae. Dankie vir die deelname.
LikeLiked by 1 person
Hester jy het mos in Bellville gebly. Jy kan ‘n boom hier in my tuin kom word. O ja maar nou onthou ek hier is nie water nie en op jou grafskrif staan jy word 100 en sal my dus oorleef
LikeLiked by 1 person
Ag dankie Abrie, maar julle winters is ook so ‘n bietjie koud vir ‘n jong boompie 😀
LikeLike
😀😀🌳
LikeLiked by 1 person
Ek hou hiervan . Ek wil net nie veras word nie, maar hulle kan my maar in die veld ook begrawe waar ‘n boompie groei en dalk ‘n skaap of bok voed
LikeLiked by 1 person
Ek hou ook van die boomgedagte
LikeLiked by 1 person
Dit is mooi 🤗
LikeLiked by 1 person
Ek! wanneer kom las jy jou blok hier aan
LikeLiked by 2 people
ek sukkel…
LikeLike
Met die storie of die formaat? As net die formaat is post dit anyway en Hester kan dit vir jou link. Sy het al vir verskeie ander
LikeLike
Sy het, ek dink my blondheid irriteer haar verskriklik. Ek is maar so effe stadig. 😶
LikeLike
Nee ek dink jy irreteer haar nie. Ek is dikweis blond.
LikeLiked by 1 person
Yay, ek dink ek het dit reggekry, danksy my Bolg juffrou Toortsie 😉
LikeLiked by 1 person
Jou idee klink vir my baie goed. Ek hou ook van jou briefie.
LikeLiked by 1 person
“Nee, onthou soos julle wil, of nie.” – ek hou hiervan!
LikeLiked by 1 person
En as die kaktus so mooi blom, onthou. Ek hou hiervan.
LikeLiked by 1 person
Die konsep van ‘n boom hou ek baie van. Die freeze dry ding is ek so bietjie bekommerd oor Jacobs en Egberts koffie word ook ge-freeze dry!
LikeLiked by 1 person
Abrie, ek is seker dis nie by dieselfde fabriek waar die prosesse sal gebeur nie. Hehe. Miskien beter om dompelkoffie met vars bone te gebruik…..😉
LikeLike
Jong dit is nou n storie. Ek wou my man se as by sy doringboom in ons tuin gestrooi het, maar toe wou die familie n begrafnis hê en nie n verassing nie. Nou is hy grondgebonde op n plek waar hy nie rerig wou wees nie.
LikeLike
Dis presies hoekom ons gesin – Rots, Bab en ekke so openlik is met ons wense. My pa is ook agv familiedruk begrawe – toe ons sy graf ‘n paar jaar gelede besoek, is sy grafsteen weg! Gesteel. Die grafplaas verwoes. Ek gedenk hom nou maar as ek deur die Strydom Tonnel en Blyde Canyon om reis – dis waar hy wou gestrooi wees. My skoonma weer het langs Skoonpa ‘n plot gekoop toe hy destyds begrawe is – die staan leeg want sy is agv boetiedru veras – ons het maar met ‘n gronboor vir haar assies onder Skoonpa se grafteen aangebring en haar naam op sy grafsteen aangebring. Dis rerig onlekker om te weet liefiemense se wense is nie aan voldoen nie, maar eintlik pla dit die vooruitlopers glad nie – dis ons klomp agterblyers wat gewoonlik met die chaos en seer sit, né. Ons het na die belwenisse as gesin vir almal uitdruklike wense uitgespreek en maar op skrif in die doodgaan leêr en testament beskrywe. Ons kind steun ons gelukkig, en die familie is maar yl…
LikeLike
Ja die ergste is dat hy geskryf het wat ons moet doen . y wou sy as sommer net weggegooi hê.. Familie belowe hul sou grafsteen oprig. Na 24 jaar nog steeds niks van gekom nie. Ek moes nog die onkoste dra ook!(My man het homself geskiet dus daar was maar groot drama gewees.)
LikeLike
O my maat, ek weet. My moeder se selfmoord het ook die tweede man voet in die wind laat slaan. Ek het ook selg moes sorg vir dioe grafsteen met sy van op… Dis maar moeilike goed. Beste om aan te loop en die gebeure in die verlede agter te laat. Groetnis
LikeLike
Dankie vir jou bemoediging. Dis belangrik om aan te beweeg tog bly dit litteken in mens se lewe.
LikeLiked by 1 person