So, dis toe nou vandag wat almal dink ons land gaan van die Prez ontslae raak. Zapiro spot oor die man se slapelose nag met skape tel. Ek dink ons is naief as ons dink dinge gaan sommer so verander. Tensy Prez bedank…
Ek luister op RSG hoe Piet Kopdoek (en ek kan my soms liederlik vir dié man wip) wat die spyker op die kop slaan saam met ander nuusbronne: Dit is nie demokrasie as parlementslede in die geheim moet stem nie. Demokrasie werk so dat almal hulle deel doen, dat korrupsie nie geduld word nie, dat goete openlik gedoen word. Sonder vrees vir jou lewe of intimidasie.
Ons gaan nog ‘n kabinetskommeling en die agtste mislukte aanslag op die korrupte “toksiese demokrasie” van die Zuptas nouliks oorleef. Die 30 miljoen stemgeregtigdes – ek en jy- sal hard en duidelik moet stem oor agttien maande. Nie weer toelaat dat ‘n skandelike handvol mense toegelaat word om namens die hele Suid-Afrika te besluit nie. Daai ene is wat moet verander.
Die Suid-Afrika wat ons wil hê begin by my en jou. Raasbekkie Tumi Morake het dit vanoggend op die persradiostasie se brekfis raak gesê: Ek is gatvol vir rassiste van enige kleur – as hierdie land jou pla – trek Australië toe, trek Uganda toe, Kanada toe. Gaan net. As mense in jou kring die K-word en rassistiese houdings teenoor enige persoon, kultuur, groep openbaar – help hulle reg of doen afstand van die geselskap.
Noem my ‘n sosialis, kommunis, oorloper, wat ookal. My dogter en toekomstige skoonseun gaan kinders hê of aanneem. Ek het nie vir hulle erfgeld om hulle elders in ‘n ander land te gaan vestig nie. Hulle het ‘n huisie in die Karoo. So daar. My nageslag, hetsy van my hart of my gene, verdien dat ek saam met Tumi Marokes opstaan en sê kom oor jouself en jou kleinserigheid.
Ons almal se geskiedenis wys ons almal se vooroordele hang uit – die geweld, die ter wille van oorlewing, die “ek is verneder, ek is kwaad, ek is verontreg”….en so aan en so aan. Wat my die heel meeste grief, “ek het nie voordeel getrek uit ….nie.” Natuuurlik het ons. Ons is goed opgevoed, ons is werk gewaarborg, ons is tot domword toe beskerm.
Kruisig my – ek voel ‘n veer. Intussen gaan ek maar van 12h00-14h00 op die sypaadjie staan met my mooi vlag van die land waarvoor ek lief is en elke mens ‘n staning mag hê en bid vir ons almal se oorlewing.
Amandla. Ubuntu.
Lees hier waaroor en hoekom ek vandag tekere gaan:
ek en jy is vandag op presies dieselfde bladsy in BLOGLAND!!!
LikeLiked by 1 person
Jy praat waar, daar gaan nie ‘n magic wand swaai wat ons verlos nie, maar ek het vanoggend hierdie post op facebook gedeel https://www.businesslive.co.za/bd/national/2017-08-08-mcebisi-jonas-warns-there-is-no-quick-fix-for-sa/ en my antwoord was “A journey of a thousand miles begins with a single step …” Die enigste step tot ons beskikking op hierdie oomblik is om ons stemme te laat hoor, om ons samehorigheid en wense te verkondig deur plakkate, ons teenwoordigheid op sosiale media, ens, m.a.w deur bewusmaking. Dit is dus waar ek begin – ek raas op elke platform waar my stemmetjie dalk gehoor kan word en hou in gedagte dat dit (dalk) deel van ‘n nuwe begin is. Ek glo ons moet dit volhou en verkondig vir die volgende agtien maande totdat ons op wettige wyse ons stemme kan uitbring en hoop dat die boodskap langs pad deurgedring na die mense van die land.
LikeLiked by 1 person
Sit nou en luister – ou van die NFD : Ordinary South Africans have mobilised, they want change…
LikeLiked by 1 person
Ons het so pas ‘n kontrak in die “fast track” aanvaar en ons moet aflewer oormôre – ek kry nie tyd om nuus te luister nie of te lees nie 😢 Sal maar later moet opvang.
LikeLike