Suiwer Goud

As jy op die stoep van die Royal Hotel in Pelgrimsrus staan en teen die oorkant die veld inkyk, kan mens nog vaagweg twee plat terasse raaksien.  Jare gelede het daar ‘n asbesgebou gestaan. Laerskool Pelgrimsrus. 
Ja, daar het ek saam met kinders van die dorpie en omgewing skoolgegaan. Die plaaslike dokter se huis het so skuins bokant die skool gestaan. So mooi groot huis met stoepe en ‘n swembad.  Die dokter se dogter, Dottie en ek was die skool se standard vyf klas. Ons twee het, toe die grade juffrou met kraamverlof was, die kleintjies opgepas, skool gegee.

Ons het klomp kattekwaad aangevang. Wanneer die onderwysers vergadering gehou het, het ons al die kleintjies bymekaar gemaak en opgetrek na Dottie se huis. Daar was ‘n krat met swembroeke. Gou was almal in verskeie eras se swemdrag in die water. Kleintjies met vlerkies,  almal hangend aan trekkertjoeps, in die middel van die swembad. En ons jil en jou. Mevrou Dokter doof vir die pret.  Ons hoor vaagweg die skoolklok. Kort voor lank dans die skoolhoof en die onnies om die swembad. Vandag gaan ons nie verder skool nie.

 Daar was ‘n woeste wattlebos so skuins agter die skool, en ‘n donga. Reëntyd het dié plek in ‘n speelparadys omskep. Nat takke en rooi kleimodder. Die seuns in een bende, die dogters die ander. Ons het ‘n leier elk met chin-chon-cha gekies, en dan met olke-bolke-riebietjie-stolke gekies wie eerste die bos ingaan. Die wagspan moes tot twee honderd tel.

In die bos is takke en gras in die voetpad geknoop. Dat die vyand  kan sukkel en val en hulle aankoms verkondig. Dan wag jou bende asemloos met kleilatte vir hulle deurbars die donga in. Joe, so stuk klei het gebrand as hy jou tussen die blaaie tref. So rooi kol op jou skooljurk,  en ‘n blou kol op jou lyf. 

Vanmiddag ry jy angsbevange huistoe. Streepsuiker jou voorland oor jou rooi besmeerde klere. Ma en kouewater Omo sorg na die pakslae dat jy more splinterskon weer die pret kan herhaal. Omdat die lied nie verder gaan, begin ons weer van vooraf aan….

Ag, die sorgvrye dae. Vrydag – ‘n hoogtepunt as jy Bollie, Tina en Patrys by die kafee, dis nou ‘n restaurant, gaan haal. Die middae wat jy wagtend op die bussie  by die gawe tannie op haar stoep, omring met rankrosies en laventel,  gemmerbier gedrink het, en jy verhale van delwers en drome vertel is.

My hart breek vir die suiwer goud van ‘n eens lewendige Pelgrimsrus, verwoes is deur kgopela (gee). Geoffer vir vrybuitery, gierigheid en ons land se gebrokenheid. Dank Vader vir my kosbare onthou – toe regte mense in Pelgrimsrus in geleef het, en ons so in die verbygaan gehoor het die Royal Hotel se kroeg was voorheen ‘n kerk in Mosambiek.

Onthou is beter as die werklikheid. Regte goud. So groot stuk skoongespoel en eg.

3 Comments on “ Suiwer Goud

  1. Jy het die wonderlikste herinneringe!!! Ek is skoon jaloers. En dankie dat jy my die name van twee van my geliefkoosde tydskrifte gegee het; Tina en Patrys. Dit was sulke heerlike tye, al het ñ mens dit nie toe besef nie.

    Liked by 1 person

  2. Lekker herinneringe van grootword in ‘n plattelandse dorpie. Ek was altyd so jammer vir my kinders wat in die stad (verskillende stede, eintlik) moes grootword. Hoewel ons hulle naweke uitgeneem het na tuine, natuurreservate en strand toe wanneer ons kon, is dit nie dieselfde gehalte tyd van ‘n kind saam met sy maatjies op bekende terrein nie.

    Liked by 1 person

Lewer kommentaar

Please log in using one of these methods to post your comment:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.

Dis Ekke

My vreugdes en frustrasies

toortsie.com

Skyn, liggie, skyn!

Life according to C

To become remarkable, hold yourself accountable

Holladriehoe

Hier gesels ek oor alles wat my bly maak: my taal, die natuur, kuns, die lewe.

Top40Weekly.com

The Weekly Top 40 1955-2017

No Facilities

Random thoughts, life lessons, hopes and dreams

Leeskring met een lid

Waar ons boeke saam met die seelug inasem

The Bee Writes...

oder auch "Die Bea schreibt" *** expect nothing... not even the unexpected *** erwartet nichts... noch nicht mal das unerwartete

Gedigte wat jou laat dink.

Sien die groot prentjie.

Tokeloshe

I♥2CR8

Kluisenaarsklaviere

Denke oor die wêreld, sy plekke en sy mense

Kameel se gebabbel

Waar die hart van vol is, loop die mond van oor

Kruger Theron

Stories met Siel

Daily Manna

By Heart of Worship

Justice's Blog

The fear of the LORD is the beginning of wisdom...The contents of blog ranges from Christian knowledge to my own 'nerdy' posts.

The Depth of Now

Exploring Istanbul Through Storytelling & Photography

Discover

A daily selection of the best content published on WordPress, collected for you by humans who love to read.

Wag 'n Bietjie

Welcome! Come linger a while..

The Sanity Rules

Uncommon common sense

Tannie Frannie

My terapie vir oudword

Ouch!! My back hurts!!

Life according to one of life’s truly gifted naturally born wafflers… an open diary of a Saffer in a different land... life in the greater Dublin & Leinster area. (Since 2011) My quests fuel my dreams… my dreams fuel my quests!!

Liewe Persoon

Ons het almal iemand nodig om na ons te luister

Bondels Gedagtes

Lesse geleer, en stories uit my lewensreis

penpunt

Waar die hart van vol is …

Country Living in Southern Africa

Sharing my life in Mozambique and all things country in Southern Africa

Dream Desire Achieve

The dreams you desire can be achieved, for with God nothing is impossible.

KAITLIN B. CURTICE

Kaitlin B. Curtice

de Wets Wild

Disappearing into South Africa's wild places... Again!

heart prints

live the story you want to tell

filosopete

blessedbeyondrecognition 🇿🇦

WoordNoot

Waar ek my woorde en note kombineer om my storie te vertel

Die Bordkryt

Studentekoerant

Positief

Wat jy in jou gedagtes toelaat, dit word jou lewe

Ekmyselff

dit is wat dit is, ek is ook wat ek is

'n Skrywer se blok

Kortverhale, gedigte en sommer enigiets met die lewe te doen.

Thulana

Almal om my is gek...

Vinke en Verse

Spraak-, taal- en gehoorterapeut. Kamma-digter. Lewenslange student. Reisiger. Liefhebber van woorde, musiek en Afrika. Deur Genade gered en deur Liefde vrygespreek.

Tapestry of Thought

Cilnette Pienaar weaves and unravels

bitterbossie

Die groenspreeu is 'n kunstenaar ...

Born in Providence

finding our way back to love

%d bloggers like this: